Versete biblice populare din Johana 13

Partajează

Ndikuvalekela ululagi ulwadzalino ulwa kuta: mwendanage, ndevyendavendaga unene, ukuta najuńe mwendanage. Apo mwe valavaka-gulila avanu vonda, ukuva muli vańigendwa vangu uńeńe, ngana vavwene mwijendile.

Neke lino ulwene, ngana unene nde mutwa veńo, nde mwiganidzi, ngana ndivakalifye indzajo dzeńo, apo pavahwanile najuńe mwikalafyage indzajo dzeńo. Ndivapelye uvwimilo, najuńe mulimanilage, lwe ndivalimye uńeńe.

Neke umwene Jesu apilusage atigilage: lwe ndilima unene lino, uveve usiludzelye tândi, neke ngana lusiku, apo ulalukagula.

Ndakyene ndakyene unene ndikuvalongela nditigila: umuvanda asilutye uvukomi kwa mutwa vakwe nda, na ju mw-Apositili nave asilutye uvuvina kwa je amutumaga nda.

Neke lino ngana mudzikagwe idzi, apo muli kitendileme ngana mukudzigendela.

neke baho image bahe vadakulilaga ifilyo, neke afulage umwênda gwa pakyâńa neke ivopage ikitambala mukivuno, neke baho asopage ululenga mukikalavilo neke baho akole mukuva-kalafya indzajo avańigendwa vakwe neke avapolosage gu mwênda gugo, gwe ivopile mukivuno.