Versete biblice populare din YOHANET 14

Împărtășește

Halok, hit hinetaùken hapuk hogo logouagalùk an netaùken hapuk hogo welagìrek mene wokhisalùk legein o. Atì re, apùnì kweangma mene nen wogisagarek atì hak wokhisegein lek atì nen he, hinalabut hìtì logolìk hinayùk agùp o.

at Yesùt en he, mel yogosike: “Kwe mel, ebe wene mel, inelugurinapìrek mel, atì an nebeat o. At sa nen an noba wagì'lek halok, nopase were'ma pìkìt kusak motok mea o,” ìlùk yogosikesik

At Yesùt en wene atì'nogo yogoisasikesik, hobuk he, aike mel yogoisasike: “Nagainapùrì. Hit hina'la nen he, Eige, ìlùk hinalabut hìrogo logogùp o. Hinetaùken Ala ba hìpìrethìgìk, an noba hìpìrethìgìk, ìkì logoino.

“Wene atì an nebe hit ninom logolìk, yogohisìkì lagì. Meneat he, an nopase nen at Areagùn hit lebethisìkì logouagalùk, an netage ba pelakhisa wesumo re, at en yì wene tì wene obogat yakùlhisìgìk, an nen yogohisìkì lagì mene atì obogat hina'la ebethisìgìk, ìkì logogin o.

At sa nen, an nen, yì'nogo hagatì logoino, tì'nogo hagatì logoino, ìlùk yogohisìgì mene atì, nane hologo hagaterek halok, an nebe awaken hutik mene at atìat o. Nen, nopase nen at atì ataùken hutigat. Nen, an nen at atì netaùken hutik logolìk, nebe hùthanuagalùk yakùlesigin o,” ìlùk yogoisasikomo

Atì'nogo hagatenem, hit lebethisìkì logolìk, hinom motok logouageip en ìlùk, an nen nopase kìno yogosumo, at en ap aike pelakhisa wesigin o. At atì ebe re, Ala Areagùn ebe wene yogohisìkì logogin mene. Atì'nogo hinoba pelakhisa wesumo, it apùnì kweangma mene nen, at atì ebe inokorat. Nen, ebe ineileken hogoin legat, atì nen he, ebe wanusak mea o. Atì'nogo meneat he, hit enek he, at ebe hinom logolìk, hina'la motok logogin atì nen he, at ebe hinelu logogun o.

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o. Atì'nogo hagasigin atì nen he, hit en yì mene tì mene an netage palogo kìno yogonetì logoino. Atì'nogo kìno yogonetep halok he, an nen hagasigin o,” ìlùk wene warisasike.

At Yesùt en wene atì'nogo warisasikesik he, wene aike mel yogoisasike: “Hit an hinetaùken hutik halok he, an nen hit yì'nogo hagatì logoino, tì'nogo hagatì logoino, ìlùk yogohisìkì lagì mene atì hagatì logogun o.

An nopase aua atoma, o hit logousak oba obùlùk apik selek werek o. Atì'nogo lek logoilepma re, an o hit logousak oba tegeli legein, ìlùk wene wathisele lek o.

An o atom arat lìlìk he, hit hinaua arat tegelogo hùlùk, an logoginmo atoma ninom logouok en ìlùk, napotkweat wokhinabi wesigin o.

at Tomat en he, mel yogosike: “Noe. O hat legeinmo atì ninokotma re, kwe atì nìkì'nogo nen ninelu asusak o,” ìlùk yogosikomo re