Versete biblice populare din KEJADIAN 27

Partajează

So nati' Uisneno anfe nani oe tene na'ko neno tunan, ma napokab ho lene-lene sin! So In anfe nani neu ko aen kase ma tua min kase nok athoes! So ale pah nane anfani ho ate, ma ale uf-uf pah nane nabes neu ko. So nati' ho muplenat ho olif ma ho tataf sin, ma ho ainaf in sufan nane nabes anbi ho humam ma ho matam. Sukat neu ale atoni le ansukat ko, ma tetus athoe neno neu ale atoni le anfe ko tetus.”

Nai Esau in nak, “Le i hae nua le in anfuli kau. Es nane te namneo in kanan Nai Yakub. In nasik nani au pa' anfani li'anmone nael, ma tabu le i in ansimo nani tetus le anfani au ini. Au Ama oin ho ka mu'im teni fa tetus bian neu kau ka?”

Oke te Nai Ishak nak neune nak, “Of kan mu'i teni fa oe tene na'ko neno tunan neu ko, ma ho lene of ka maafa fa. Of ho moni mu'ko ho suni, mes of hom aetnom neu ho olif, mes leka ho maban mok in, of ho mufetnom mu'ko in kuasat.”

Nai Esau ka nas-nas fa hen toti neu in amaf nak, “Ai al ho mu'i tetus mese Ama? Amfe neu kau tetus amsa, Ama!” Oke te in ankae anteni.