Versete biblice populare din YOANA 14

Împărtășește

Nĩmũtiĩa mũuo; mũuo wakwa nĩmũnenga inyw’ĩ: ndiũmũnenga ũndũ nthĩ ĩnenganae. Ngoo syenyu itikaũũye, o na itikethĩwe na w’ĩa.

Yesũ amwĩa, Nyie ninyie nzĩa, na ninyie w’o, na ninyie thayũ: vai mũndũ wũkaa kwa Asa, atesĩle kwakwa.

Ngoo syenyu itikaũũye: mũĩkĩĩei Ngai, na mũindĩkĩĩa nyie.

Ĩndĩ ũla Mũtetheesya, nake nĩ Veva Mũtheu, ũla Asa wĩmũtũma syĩtwanĩ yakwa, akamũmanyĩsya maũndũ onthe, na akamũlilikan’ya maũndũ onthe ala namũtavisye.

Ũla wĩ na mĩao yakwa, na ũmĩkwataa, ũsu nĩwe ũmbendete: na ũla ũmbendete akendwa nĩ Asa, nakwa ngamwenda na ngeeyonan’ya kwake.

Nakwa ngamũvoya Asa, nake akamũnenga Mũtetheesya ũngĩ, ethĩwe nenyu mavinda onthe, nake nĩwe Veva wa w’o: ũla nthĩ ĩtatonya kũmwosa; nũndũ ndĩmwonaa, o na ndĩmwĩsĩ: ĩndĩ inyw’ĩ nĩmũmwĩsĩ; nũndũ ekalaa nenyu, na akeethĩwa e nthĩnĩ wenyu.

Na ũndũ o na wĩva w’onthe ũla mwĩvoya syĩtwanĩ yakwa, ngawĩka, nĩ kana Asa ataĩwe nthĩnĩ wa Mwana. Ethĩwa mũkavoya ũndũ o na wĩva syĩtwanĩ yakwa, ngawĩka.

Ethĩwa nĩmũmbendete, mũkakwataa mĩao yakwa.

Nthĩnĩ wa nyũmba ya Asa kwĩ mawĩkalo maingĩ; na kethĩwa ti ũu, nĩthĩwa namũtavisye; nũndũ nĩngũthi ũmũseũvĩsya vandũ.

Nakwa nathi ũmũseũvĩsya vandũ, ngooka ĩngĩ, na ngamwosa inyw’ĩ mwĩthĩwe kwakwa; nĩ kana vala nĩĩ, nenyu mwĩthĩwe vo.

Thoma amwĩa, Mwĩaĩi, tũtesĩkũla wĩthi; twĩsĩ nzĩa ata?