Versete biblice populare din UJƆ́NI 5

Partajează

Ujísɔ̄si kahíníī, “Ɔkwɔ̄ɔ̄kwɛ̄yi, ɔ̄cɛ nōo cɛ̄ɛ̄lā kú um, nōo kē lɔtūce ɔ̄cɛ nōo tū um ɛhɔ̄ ā, lɛ oyēeyī opiyóo. É gáā ŋmó ɔ̄ ɛpɔ̄bī ŋ́, amáŋ ó le gla ikwū le tá ipú oyēeyī ɛɛ́.”

Eko nɛ̄ Ujísɔ̄si le ɔ́ má, nɛ̄ ó le jé ka ɔ́ɔ doōcē gbojī ɛɛ́ mā ā, ó da ɔ́ kahíníī “A tíne kéē lɛ uwɔ nyatá āā?”

Aá gē kllɔcɛ́ ɔdā kú ipú ɛlɔ̄ɔwɔicō, ohígbū ka aá gbɛlá ka aá géē lɛ oyēeyī opiyóo ŋmá ipú uwā. Amáŋ ɛlɔ̄ɔwɔicō abɔ̄yī nū kē ī cījáalí gā um. Aá kē cɛ̄ wā ɛgiyí um ká n̄ je oyēeyī opiyóó nyā lɛ aá ŋ́.

Ujísɔ̄si da ɔ́ kahíníī, “Cāŋjɛ, kwú ipoto kú uwɔ ú ká ā yāwu.” Anɔ́ɔɔ ɔkwɔɔkwu ɔ́mā ōcē kú nū mɛ. Anɔ́ɔ ó kwu ipoto kú nū ú gbɔɔ́ ō yāwu á. Amáŋ ɛ̄cī ɔ́ɔmā wɛ ɛ̄cī usábāti .

Ujísɔ̄si tóohi da uwá kahíníī, “Ɔkwɔ̄ɔ̄kwɛ̄yi, n̄ da aá ka, Ɔyínɔ̄nyīlɔ ā í yá ɔdā dúúmā abɔ̄yīnū glá ŋ́, ayíka ɛ̄nɛ̄ ó má Ádā nū gē yá ā nɛ̄. Ohígbū ka ɔdā dóódu nōó yá ā, Ɔyínɔ̄nyīlɔ ā géē yá ɔ̄ glá dúú.