Versete biblice populare din Jean 10

Partajează

Kun pu unaayuu dòońee di sá ú yɔ̀, kí kpɔ̀, kí bīil̀. Mamee m dɔ́miń í ká dimaŋfal ní, tiba nì tiba ń taa lóó-i dimaŋfal gbantin.

«Man di sá upikpaamɔnti, upikpaamɔnti piii pu ní u kúntí u-maŋfal.

M-piii gbìl̀ m-neen pu, ní ma mun nyí-i, ní i nóó-mi.

M tīī-i dimaŋfal din kaa cáá dikúntilee, i kpá kí kpú jaanjaan, báà ubɔ mun kaa tí ŋūǹ kí fōō-i m-ŋaan.

Man di sá kipunyɔkɔ. Un yaa dīń man pu ki kóońee kāntí difiil. Udaan ŋūǹ kí nīn kóò ki nyēē ki kāntí u-jinti.

Man di sá upikpaamɔnti. M nyí m-piii ní m-piii mun nyí-mi

M-Baa un tīī-mi-iee cáá mpɔn ki jítiǹ báà ŋma. Míǹ ní ubɔ kaa ŋūǹ kí fōō tiba m-Baa ŋaan. Man nì m-Baa Unimbɔti, ti sá ubaanti ní.»

kii m-Baa nín nyí-mi, ma mun nyí m-Baa puee ní. M kúntí m-maŋfal m-piii pu ní.

Ubɔ kaa ŋūǹ kí tìl̄ man maŋfal, see man m-ba di là ní kí dū-dì kí tīī. M ŋūǹ kí dū-dì kí tīī, ki ŋūǹ kí fàtīí fōō-dì mun. M-Baa nín bí ḿ ŋá miŋyee dee.»

Míǹ puee ní Yeesu gíti lī yii: «Ibaamɔn, ibaamɔn ní m sòoǹ nì ni, man di sá kupikpuŋkpuŋu punyɔkɔki.

Upaadaan un kpàá ki nyàab̀ animbil, kaa sá upikpaal, kaa yì ipiiyee, u yaa ká usaakpan dòońee, u dù ipii ní kí fá kí sāǹ kí kátí, ní usaakpan ń dāan̄ kí cūtì ipii kí yàaǹ-i.

Yeesu bí yii: «Ibaamɔn, ibaamɔn ní m sòoǹ nì ni, un yaa kaa dī kipunyɔkɔ ki kɔ́ kupikpuŋkpuŋun ní ki yaa dī laabee, udaan sá digaŋgandaan ki sá unaayuu.