Versete biblice populare din JUAN 6

Partajează

Si Jesus nagsiling sa ila, “Ako amo ang tinapay nga nagahatag sang kabuhi; ang nagakari sa akon indi paggutumon, kag ang nagatoo sa akon indi na gid pag-uhawon.

Ang espiritu amo ang nagahatag sing kabuhi, ang unud walay pulus; ang mga polong nga napamolong ko sa inyo amo ang espiritu kag kabuhi.

Pangabudlay kamo indi tungud sang kalan-on nga nagakawala, kondi tungud sang kalan-on nga nagapadayon sa kabuhi nga walay katapusan, nga ihatag sa inyo sang Anak sang tawo; kay sia ginpat-inan sang Dios nga Amay.”

Kay ini amo ang kabubut-on sang akon Amay, nga ang tagsatagsa nga nakakita sa Anak kag nagatoo sa iya may kabuhi nga walay katapusan; kag banhawon ko sia sa katapusan nga adlaw.”

Si Jesus nagsabat sa ila, “Amo ini ang buluhaton sang Dios, nga magtoo kamo sa ginpadala niya.”

Ang tanan nga ginahatag sa akon sang Amay magakari sa akon; kag ang nagakari sa akon indi ko gid pagsobolon.

Si Simon Pedro nagsabat sa iya, “Ginoo, kay sin-o bala kami makadto? Ikaw may mga polong sang kabuhi nga walay katapusan

Ako ang buhi nga tinapay nga nagkari gikan sa langit; kon bisan sin-o ang magkaon sining tinapay, magakabuhi sia sing dayon; kag ang tinapay nga akon ihatag tungud sa kabuhi sang kalibutan amo ang akon unud.”

Walay tawo nga makakari sa akon kon indi sia pagbuyukon sang Amay nga nagpadala sa akon; kag banhawon ko sia sa katapusan nga adlaw.

Kay ang tinapay sang Dios amo ang nagagikan sa langit, kag nagahatag sing kabuhi sa kalibutan.”

Ako amo ang tinapay nga nagahatag sang kabuhi.

Niyan ginkuha ni Jesus ang mga tinapay, kag sang nakapasalamat, ginpanagtag niya sa mga naglingkod; subong man ang mga isda, sono sa luyag nila. Kag sang nabusug sila, nagsiling sia sa iya mga gintoton-an, “Tipona ninyo ang mga tinipik nga nabilin, agud nga walay mausik.”

Sang nakagaud sila sing mga lima ukon anum ka kilometro, nakita nila si Jesus nga nagalakat sa dagat kag nagapalapit sa sakayan. Hinadlukan sila, apang nagsiling sia sa ila, “Ako ini; dili kamo mahadluk.”