Versete biblice populare din Yôhan 14

Partajează

Kâo pioh glaĭ tơlơi rơnŭk rơnua kơ ƀing gih, Kâo brơi tơlơi rơnŭk rơnua Kâo pô kơ ƀing gih. Kâo brơi kơ ƀing gih ƀu djơ̆ kar hăng lŏn tơnah brơi ôh. Pran jua ƀing gih anăm bơngơ̆t bơngañ hăng rŭng răng ôh.

Yêsu laĭ glaĭ: “Kâo jing jơlan, tơlơi sĭt, laih anŭn tơlơi hơdip, ƀu hmâo hlơi pô dưi nao pơ Ama tơdah ƀu nao mơ̆ng Kâo.

“Pran jua ƀing gih anăm bơngơ̆t bơngañ hăng rŭng răng ôh, đaŏ bĕ kơ Ơi Adai laih anŭn đaŏ kơ Kâo kar kaĭ mơ̆n.

Samơ̆ Pô Djru, jing Yang Bơngăt Hiam, pô Ama či pơkiaŏ rai amăng anăn Kâo, Ñu či pơtô abih bang tơlơi kơ ƀing gih, laih anŭn Ñu či pơhơdơr brơi kơ ƀing gih abih tơlơi Kâo hmâo pơtô laih kơ ƀing gih.

Hlơi hmâo tŭ mă hiăp Kâo pơtă hăng gưt tui, ñu anŭn yơh jing pô khăp kơ Kâo. Hlơi pô khăp kơ Kâo, Ama Kâo či khăp kơ pô anŭn, Kâo či khăp kơ ñu hăng pơrơđah Kâo pô kơ ñu.”

Kâo či rơkâo mơ̆ng Ama laih anŭn Ñu či brơi kơ ƀing gih sa čô Pô Djru pơkŏn, Ñu či dŏ hrŏm hơbĭt hăng ƀing gih nanao, jing Yang Bơngăt Tơlơi Sĭt. Pô anŭn lŏn tơnah ƀu dưi tŭ mă ôh, yua kơ lŏn tơnah ƀu ƀuh Ñu ôh, kŏn thâo krăn Ñu lơi. Ƀing gih thâo krăn Yang Bơngăt Hiam, yua kơ Ñu dŏ hrŏm hơbĭt hăng ƀing gih, laih anŭn či dŏ amăng ƀing gih.

Hơgĕt tơlơi ƀing gih rơkâo amăng anăn kâo, kâo či ngă brơi, kiăng kơ Ama kâo dưi hmâo tơlơi pơ-ư pơang mơ̆ng Ană. Tơdah hơgĕt tơlơi ƀing gih rơkâo amăng anăn Kâo, Kâo či ngă brơi.”

“Tơdah ƀing gih khăp kơ Kâo, ƀing gih tui gưt abih tơlơi Kâo pơtă.

Amăng sang Ama Kâo hmâo lu anih dŏ, tơdah ƀu djơ̆ tui anŭn ôh, Kâo ƀu či laĭ kơ ƀing gih. Kâo nao kiăng kơ prăp pre sa boh anih kơ ƀing gih.

Giơ̆ng kơ Kâo nao hăng prăp pre laih kơ ƀing gih sa boh anih, Kâo či wơ̆t glaĭ hăng ba ƀing gih nao hrŏm hơbĭt hăng Kâo, kiăng kơ pơpă Kâo dŏ, ƀing gih ăt dŏ pơ anŭn mơ̆n.

Thômas laĭ kơ Ñu: “Ơ Khua, gơmơi ƀu thâo ôh pơpă anih Ih nao, hyư̆m gơmơi dưi thâo jơlan anŭn lĕ?”