Versete biblice populare din Matta 7

Partajează

— Toree on kokkete, njillee on keɓey, cilminee on omtante.

Gam toriiɗo fuu no hokkete, jilliiɗo no heɓey, cilminiiɗo boo no omtante.

— Gam ma'ajum, neɗɗo fuu nanɗo ɗe'e bolle am tokki ɗe, o nanndii e neɗɗo ƴoyɗo mahaɗo wuro muuɗum dow haayre.

Mbaɗanee yimɓe ko ngiɗɗon ɓe mbaɗana on, gam kanjum woni ekkitinol *Tawreeta Muusa e defte annabo'en.

Ammaa dammugal yahago yonki e faaɗi. Tokkugo laawol ma'agal boo e saɗi, heɓteyɓe ngol no seɗɗa'en.

— Nattiree dammugal paaɗngal ! Gam dammugal aaftiingal ɗum dammugal yahago halkere. Tokkugo laawol ma'agal boo e hoyi, tokkuɓe ngol e ɗuuɗi.

Onon maa halluɓe eɗon anndi no kokkirton ɓiɓɓe mooɗon ku'uje booɗɗe, hakko *Baabiraawo mooɗon mo dow. O ɓurataa hokkugo toriiɗo mo fuu ku'uje booɗɗe naa ?

— To' on njowan woɓɓe layfi, cernanon ɓe, gam to' Allah sernan on. Gam noon no cerniranɗon woɓɓe, noon Allah boo serniranta on. Kadimaa e etergel ngel etranɗon woɓɓe, e ma'agel ɗum etranta on.

Ammaa neɗɗo fuu nanɗo bolle am tokkaay ɗe, e nanndi e mo walaa ƴoyre, mahaɗo wuro muuɗum dow njaareendi.

Gam ɗume ndaarataa celɓol gonngol nder yitere bannda, ammaa a yi'ataa lekki makki gonki nder yitere maaɗa ? Koo boo noye mbi'irataa bannda : « Banndam, woor mi ittane celɓol gonngol nder yitere maaɗa », ammaa aan, lekki makki e nder nde maaɗa ?

— Kakkilee e annabo'en fevooɓe warooɓe to mooɗon e nanndi e baali, ammaa nder ɓerɗe maɓɓe ɓe cayaakiije beelaaɗe. On annditirey ɓe gada e kuuɗe maɓɓe, noon no lekki annditirtee gada e ɓiɓɓe muuɗum. Cilluki rimataa innabooje, jaaɓi boo rimataa tanne.

Lekki booɗki no rimey ɓikkon mbooɗkon, lekki ki vooɗaa boo no rimey ɓikkon kon mbooɗaa.

Noon boo, lekki booɗki rimataa ɓikkon kon mbooɗaa, lekki ki vooɗaa boo rimataa ɓikkon mbooɗkon.

Lekki ki rimataa ɓikkon mbooɗkon fuu no fe''ete feree nder yiite.