Versete biblice populare din Matta 6

Partajează

Ammaa aartee yillaago *laamu Allah e aadilaaku muuɗum tawo, ndeen o hokkey on ko horii fuu.

Gam ma'ajum, to' on ngaanno dow jahango, gam jahango no waannoto dow hoore muuɗum. Nyanndeere fuu, torra muuɗum e heƴi ɗum.

Gam ma'ajum, emi vi'a on : to' on ngaanno dow ko nyaamoton, koo ko njaroton, koo ko ɓornotooɗon. Gam yonki ɓurii nyaamdu, ɓanndu boo ɓurii kolte, koo naa noon ?

Ammaa aan, nde mbaɗataa do'aare fuu, nattu nder suudu maaɗa, omndaa dammugal, toroɗaa *Baabiraawo maaɗa nder suuɗeefi. Ndeen Baabiraawo maaɗa, gi'oowo ko suuɗii no biyete.

To eɗon mbaɗa do'aare, mbi'ee : Yaa Baabiraawo amin gonɗo toon dow asama, innde maaɗa seniinde teddinee. Laamu maaɗa wara. Ko ngiɗɗaa ɗum waɗee nder duuniyaaru kama noon no ɗum wa'aretee toon dow asama.

Hokku min nyaamannde heƴeynde min hannde.

Ya'afana min hakkeeji amin, kama noon no min nja'aforantoo waɗaneyɓe min hakkeeji.

Ta'a woor min, min ndo''oo nder teppinirgol hakke, ammaa hisnu min e junngo Ganyo. [Gam aan jeyi laamu e baawɗe e manngu fuu faa abadaa. Aamiin.]

Gam to on nja'afanake waɗanɓe on layfi, Baabiraawo mooɗon gonɗo toon dow boo no ya'afanto on.

Ndaaree colli : ɗi aawataa, ɗi taƴataa, ɗi ngalaa beembe, ammaa *Baabiraawo mooɗon gonɗo toon dow asama e nyaamna ɗi. Onon, on ɓuraay colli darajja naa ?

— To' on ndesan ko'e mooɗon jawdi nder duuniyaaru, to mooƴu e puunndi mbonnata ndi, to wuyɓe njevata dammuɗe natta ngujja ndi. Ammaa ndesanee ko'e mooɗon jawdi toon dow asama, to mooƴu e puunndi mbonnataa ndi, to wuyɓe boo mbaawataa natta ngujja ndi. Gam to jawdi maaɗa woni fuu, toon ɓernde maaɗa wonata.

— Walaa baawɗo jagganaago jawmiraaɓe ɗiɗo. Sey nii o wanya go'oto, o yiɗa go'oto, koo boo o mawnina go'oto, o yavoo go'oto. On mbaawataa jagganaago Allah e jawdi nder wakkaci go'otum.

To Allah e ɓornira huɗo ladde nihi, taweteeko hannde, jahango ko wulee, ko haɗata o sinngita on faa ko ɓuri noon, onon famɗa goonɗinki'en !

Ammaa aan, to eɗa hokka sadaka, to' nano maaɗa anndu ko nyaamo maaɗa hokkata, sadaka maaɗa laatoo nder suuɗeefi. Ndeen Baabiraawo maaɗa gi'oowo ko mbaɗata nder suuɗeefi, no biyete.

— Kakkilee e huugo kuuɗe mooɗon booɗɗe gam woɓɓe ngi'a, mana on. To on mbaɗii noon, on keɓataa laada yeeso *Baabiraawo mooɗon gonɗo toon dow asama.

— To eɗon cuumoo, to' on nyor geese mooɗon kama no munaafuki'en mbaɗata. Kamɓe eɓe nyora geese maɓɓe gam yimɓe annda ɓe suumiiɓe. Emi vi'a on goonga : ɓe aartii ɓe keɓii laada maɓɓe ɗo'o e duuniyaaru, timmi. Ammaa aan, to eɗa suumoo, sulmu yeeso maaɗa, molmitoɗaa nebbam, gam to' yimɓe anndu a cuumiiɗo. *Baabiraawo maaɗa mo yi'ataake tan anndi. Baabiraawo gi'oowo ko mbaɗɗaa nder suuɗeefi oon no biyete.