Versete biblice populare din Noo Ean 6

Partajează

As dooyrt Yeesey roo, Mish arran y vea: eshyn ta cheet hym’s, cha bee eh dy bragh accryssagh; as eshyn ta credjal aynym, cha bee eh dy bragh paagh.

She yn spyrryd ta bioghey, cha vel yn eill jannoo veg y vie: ny goan ta mish dy loayrt riu, t’ad spyrryd as t’ad bea.

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

As shoh yn aigney echeysyn ta er my choyrt, dy chooilley unnane ta fakin y Mac as credjal ayn, yn vea dy bragh farraghtyn dy ve echey: as trog-yms seose eh ec y laa jerrinagh.

Dreggyr Yeesey as dooyrt eh roo, Shoh obbyr Yee, shiu dy chredjal aynsyn t’eh er choyrt.

Hig adsyn ooilley hym’s ta’n Ayr dy chur dou; as eshyn ta cheet hym, cha jean-ym er aght erbee y yiooldey voym.

Eisht dreggyr Simon Peddyr eh, Hiarn, quoi gys hem mayd? ayd’s ta goan y vea veayn.

Mish yn arran bio, haink neose veih niau: my ee-ys dooinney erbee jeh’n arran shoh, bee eh bio son dy bragh: as yn arran neem’s y choyrt, she my eill eh, ver-yms son bioys y theihll.

Cha vod dooinney erbee cheet hym’s, mannagh jean yn Ayr t’er my choyrt y hayrn eh: as trog-yms seose eh ec y laa jerrinagh.

Son arran Yee eshyn ta cheet neose veih niau, as ta cur e vioys son y theihll.

Mish arran y vea.

As ghow Yeesey ny bwilleenyn, as tra v’eh er chur booise, rheynn eh ad er e ostyllyn, as rheynn adsyn ad orroosyn myr v’ad soie; as myrgeddin jeh ny eeastyn wheesh as bailloo. Tra v’ad jeant magh, dooyrt eh rish e ostyllyn, Jean-jee yn vrooilliagh ta er-mayrn y haglym cooidjagh nagh bee nhee erbee caillit.

Myr shen tra v’ad er n’ymmyrt mysh kiare veeilley, honnick ad Yeesey shooyl er y cheayn, as tayrn er-gerrey da’n lhong: as ghow ad aggle. Agh dooyrt eshyn roo, She mish t’ayn, ny bee aggle erriu.