Versete biblice populare din JOHN 6

Partajează

Jesus ánááhodoo'niid, Shí bááh bee iináanii nishłį́; shaazhníyáhígíí éí doo dichin náázhdoodleeł da, áádóó shijoodlą́ągo sheidzólíii éí doo dibáá' náázhdoodleeł da.

Níłch'i Diyinii éí iiná eidii'aah, nidi ats'íís éí t'áadoo nídoodleełí da; saad bee nihich'į' hahásdzí'ígíí éí Níłch'i Diyinii bits'ą́ą́dóó bee iináanii át'é.

Ch'iyáán áádįįłii t'éiyá t'áadoo bíká nidaahkaí, nidi iiná doo ninít'i'ii bá ch'iyáán doo ádįįhii hádaaht'į́, éí Diné Silį́į'ii nihaididoo'ááł, háálá Diyin God aTaa' nilíinii hwee lą́ asłį́'ígíí bee hwéého'dílzingo áhoolaa.

Háálá shiTaa' díí yee íinízinii át'é, éí t'áá aYe' jiiłtsánígíí áádóó joodlą́ągo beijólíhígíí, iiná doo ninít'i'ii hwee hólǫ́ǫ dooleeł, áko niiníłką́ądi dadziztsą́ą́dę́ę́' nááhodideeshłááł.

Jesus ánááhodoo'niid, Diyin God yiníł'a'ii deinohdlą́ągo baa dadzíínóhłíigo éí naanish Diyin God bił hóshǫ́.

ATaa' sheidii'aahígíí t'áá ałtso éí shaa hidookah; shaazhníyáhígíí éí t'áá íiyisí doo nówehjį' hodideeshniił da.

Sáíman Peter áhodííniid, Bóhólníihii, háísh ałdó' bich'į' dah náádidiikah? Ni t'éí saad binahjį' iiná doo ninít'i'ii hodooleełii nee hólǫ́

Shí éí bááh hináanii yá'ąąshdę́ę́' hadahóóle'ii nishłį́; t'áá háiida díí bááh jiyánígíí hool'áágóó jiináa dooleeł, áko nihokáá' dine'é bááh yee hináa dooleełgo baa deesh'áłígíí éí shitsį'.

Diné doo ła' shaa doogáał da, aTaa' shiníł'a'ígíí shaa honílóozgo t'éiyá, áko niiníłką́ądi dadziztsą́ą́dę́ę́' nááhodideeshłááł.

Háálá bááh Diyin God bíhígíí éí yá'ąąshdę́ę́' hadahóóle'go nihokáá' dine'é iiná yeidii'aah.

Shí éí bááh bee iináanii nishłį́.

Áko Jesus éí łees'áán néidiinilgo, Diyin God yich'į' yaa ahééh niizį́į'go, [bídahooł'aahii yitaiznii', áádóó bídahooł'aahii éí] dadineezbinígíí yitaa deiznii'; łóó' ałdó' t'áá bee hwiih ódle' bíighahgo yitaiznii'. Hwiih daazlį́į'go hódahooł'aahii ábizhdííniid, Bi'oh nida'iisdą́'ígíí áłah áńdaahdlééh, áko doo t'áá ádzaaí dooleeł da.

Áko táá' daats'í, dį́į́' daats'í tsin sitą́ ánízahgóó da'jíł'eełgo Jesus táłkáá'góó tsinaa'eeł yich'į' yigáałgo dajiiłtsą́. Áko bik'ee hoł yéé' dahazlį́į́', nidi áhodííniid, Shíyee' ásht'į́; t'áadoo nídaałdzidí.