ထာဝရပရဟိတ

ချစ်မိတ်ဆွေ၊ ပရဟိတ၏ အဓိပ္ပာယ်အကြောင်း စဉ်းစားဖူးပါသလား။

ဤလောက၌ သောကကင်းဝေး နေထိုင်ရေး လုပ်ငန်းကား ပရဟိတ လုပ်ငန်းသာတည်းဟု ပြောဆိုလေ့ ရှိကြသည်။

သို့ရာတွင်၊ ပရဟိတ၏ အနက်ကို သိပါသလား။

ပရဟိတ ဆိုသည် ပါဠိတော်မှ ဆင်းသက်ပြီး အနက်မှာ ပရ – သူတစ်ပါး၊ ဟိတ – အကျိုး။ သူတစ်ပါး၏ အကျိုးကို ရှာဖွေခြင်းပင် ဖြစ်သည်။

ပုထုဇဉ်လူသားတို့၏ အထဲတွင် အတ္တအစဉ် ကိန်းဝပ်လျက်ရှိသောကြောင့် သူတစ်ပါး၏ အကျိုးကို ရှာဖွေချင်သည်ထက် မိမိ၏ အကျိုးကို ပိုမိုရှာဖွေတတ်ကြသည်။

ပရဟိတကုသိုလ်ကောင်းမှုများ ပြုနေစဉ်ပင် သူတစ်ပါး၏ ချီးမွမ်းစကားများ ကြားလိုကြသလို၊ မိမိစေတနာနှင့် ချမ်းသာခြင်းကိုလည်း ထင်ရှားစွာ ဖော်ပြလိုကြသည် မဟုတ်ပါလား။

ထိုအရာသည် အတ္တဟိတ သာဖြစ်လျက်၊ အဓိပ္ပာယ်မှာ (အတ္တ) မိမိ၊ (ဟိတ) အကျိုးကို ရှာဖွေခြင်းသာဖြစ်သည်။

စိတ်နှလုံးသည် ခပ်သိမ်းသော အရာထက် စဉ်းလဲတတ်၏။ အလွန်ယိုယွင်းသော သဘောရှိ၏။ စိတ်နှလုံးသဘောကို အဘယ်သူသိနိုင်သနည်း။