H: Himala (miracle)

Ang mga sumasampalataya ay bibigyan ng kapangyarihang gumawa ng mga himala: sa pangalan ko'y magpapalayas sila ng mga demonyo at magsasalita ng iba't ibang wika. Hindi sila mapapahamak kahit dumampot sila ng ahas o makainom ng lason; at gagaling ang mga maysakit na papatungan nila ng kamay.” (Marcos 16:17-18)

Ang himala o milagro ay anumang bagay na hindi sumasang-ayon sa natural na galaw ng mga bagay dito sa mundo. Noong pinadala ng Diyos ang bugtong Niyang Anak sa mundong ito, si Hesus ay gumawa ng mga himala upang mapatunayang Siya ang pinadala ng Diyos upang tubusin ang sangkatauhan.

Kabilang sa mga himalang isinagawa ni Hesus ay ang pagpapakain sa 5,000 katao, gawing alak ang tubig, at ang pag-alis ng demonyo sa katawan ng tao. Ang paggawa ng milagro ay pinahihintulutan rin ng Panginoon na isagawa ng kanyang mga tagasunod upang ipalaganap ang Kanyang salita sa buong mundo.