Maombi Kwa Ajili Ya Umoja Katika Ndoa YakoSample

Viatu Vya Amani

Na kujitahidi kuuhifadhi umoja wa Roho katika kifungo cha amani. Waefeso 4:3

“Waume na wake wengi hufanya kazi kwa ushirikiano ili kushuhughulikia mahitaji ya kihisia, ya kiroho na mahitaji ya jumla ya familia zao. Inapendeza sana wanapoleta hali hiyo ya kufanya kazi pamoja hapo nyumbani na kuwa mfano kwa watoto wao na wengine walio katika eneo lao la ushawishi” Tony Evans

Bwana, umoja unahitaji juhudi. Kama sivyo, Paulo hangeliandika kile alichoandikia kwa kanisa la Efeso. Aliwaambia “wafanye juhudi zote kuuweka umoja wa Roho.” Utusamehe kama wanandoa tunapohisi kuwa tuna haki ya kupata umoja kutoka kwa wenzi wetu kwa sababu tu tumefunga ndoa. Nisamehe ninapotarajia mwenzi wangu kukubaliana na mimi ninapofikiria kuwa niko sahihi.

Umoja unahitaji juhudi. Juhudi huja kwa namna ya unyenyekevu, kusikiliza, neema, ufahamu, subira na pia hekima. Nipe sifa hizi kwa kiasi kikubwa zaidi ili nifanye sehemu yangu ya kuendelea kutunza umoja katika ndoa yetu. Mpe mwenzi wangu pia sawa nami na utusaidie sisi sote kujibiana kila mmoja kwa mwingine kwa amani wakati ambapo mwingine amepuuza mambo haya. Acha amani hiyo iwe ukumbusho kwamba umoja wetu ni chombo muhimu mikononi mwako ili kuendeleza ufalme wako na kuleta kusudi lako kwetu. Katika jina la Kristo, amina.