Keuses wat suksesvolle paartjies maakSample

Kies om te luister

Om te verander hoe, waar en wanneer julle met mekaar praat, is belangrik wanneer julle aan ’n suksesvolle huwelik bou. Om te fokus op hoe julle albei voel eerder as om die argument te wen en om te luister na jou maat sodat jy werklik verstaan wat hulle wil sê, is ewe belangrik. Hierdie keuses kan die woede en griewe wat so baie paartjies ervaar, voorkom.

In die verlede het jy dalk bemagtig gevoel om te leer om “regverdig” te stry. Ek stem glad nie hiermee saam nie. Paartjies gaan verskille hê, maar jy moenie “regverdig stry” nie. Julle hoef glad nie te stry nie! Ek wil jou wys hoe positiewe kommunikasie ’n verandering van rigting na welstand kan beteken.

Dus, hoe lyk positiewe kommunikasie? Positiewe kommunikasie fokus op wat op hierdie oomblik besig is om te gebeur; dit haal nie die verlede op nie en skep nie ’n negatiewe atmosfeer deur ou gevoelens op te haal nie. Dit fokus op een duidelike kwessie op ’n slag. Eerlike kommunikasie vertroebel nie die water met verskillende kwessies wat sensitief en emosioneel is nie. Fokus op die nou.

Onthou ook dat die regte tyd en plek essensieel is vir behoorlike kommunikasie. Produktiewe gesprekke vind plaas wanneer albei partye energie, duidelikheid en fokus het. Om aan die einde van die dag wanneer julle moeg is met jou maat ook ’n moeilike onderwerp te praat, is dalk nie die beste plan nie. Moenie die hitte van die oomblik kies om jou punt duidelik te maak of die waarheid weg te steek nie. Dit het skadelike resultate en jy wil leer om dit positief en eerlik te hou.

Om veerkragtig in jou verhouding te wees, behels meer as kommunikasie. Paartjies wat vanuit ’n positiewe ingesteldheid funksioneer, is meer samewerkend as kompeterend. Wanneer ’n verhouding kompeterend raak, is dit meer geneig om negatief te raak. In teenstelling hiermee, is ’n gesonde huwelik ’n vennootskap waarin twee partye mekaar probeer help om die beste mense (en beste maat) te word wat hulle kan wees. Die doel is nie om te wen deur met meer van die beperkte hulpbronne in die verhouding op te eindig nie, maar om te sorg dat elke party geliefd, aanvaar, gewaardeerd en geëer in hulle interaksie voel.

Is dit vir jou belangriker om die argument te wen as om medelye met jou maat te hê? Volgende keer wanneer julle begin baklei, kies doelbewus om te stop en te luister na jou maat se perspektief. Wat gebeur wanneer jy dit doen?