Moed Vir Elke MôreSample

Word sterk

Almal van ons het swakhede – dinge wat ons met die beste wil in die wêreld maar net nie kan oorkom nie. Slegte gewoontes, persoonlikheidsgebreke wat ons kniehalter en troetelsondes is nie maklik om af te leer nie. Ons kan jare lank bid en probeer om hierdie dinge te oorkom en dit dan nog steeds nie regkry nie. Wanneer dit egter jou opregte begeerte is om soos Christus te wees, is jy deur sy Gees tot enigiets in staat. Sy Woord belowe aan ons dat Hy ons juis in ons swakhede bystaan en aan ons die moed sal gee om alles te oorwin.

Glo vandag opnuut dat jy enige struikelblok-sonde kan oorkom, dat jy deur die donkerste tye-van-swakheid sál oorwin en dat Hy jou – selfs wanneer jy verpletter lê – altyd weer sal optel!

Dankie dat U my nooit net sal los nie, maar dat U my juis in my swakheid stérk kan maak.