Ek Bid Vir My HuwelikSample

Bid vir volgehoue geduld en volharding

Here, ek bid dat ons altyd geduldig sal wees en wag terwyl U besig is om in ons lewe en ons huwelik te werk. Leer ons om nie moed op te gee met mekaar nie, maar om geduldig te wees sodat ons tot geestelike volwassenheid kan groei (Jakobus 1:4).

Help ons om alles af te stroop “wat ons spoed kan vertraag, veral die sonde wat so maklik ’n houvas op ’n mens kry.” Laat ons “hardloop met volharding op die baan wat voor ons uitgestrek lê, ons oë vasgenael op Jesus, die Voorganger en Voleinder van ons geloofswedloop. Hy het ter wille van die blydskap wat daar voor vir Hom gewag het, die kruis verduur” (Hebreërs 12:1-2). Help ons om ons oë altyd op U gerig te hou.

Ek bid dit in Jesus se Naam.