Wandel Deur Die GeesSample

Hou aan soek, hou aan klop

God kruip nie vir jou weg nie. Hy het eintlik die teenoorgestelde belowe: “Soek en julle sal kry.” God wil hê jy moet Hom ken, Hy wil hê jy moet Hom altyd in alles soek. Jy kan alles wat jy nodig het by Hom vind.

Wanneer Ek in jou bly, verander Ek jou hart – Ek gee vir jou die begeerte om God al hoe beter te ken. Wanneer jy Hom ken, begin jy dinge sien soos God dit sien. En jy het daardie perspektief nodig. Daar is baie probleme in die lewe, en die bedoeling was nooit dat jy die reis alleen aanpak nie. Ek is altyd by jou om jou te help en in God se perfekte wil te lei. God wil ’n verhouding met jou hê … een waarin jy Hom soek en Hy Hom aan jou openbaar. Hoe beter jy Hom ken, hoe meer sal Hy in jou hart en lewe werk. Jy moet Hom net soek … al wat jy hoef te doen, is om aan die deur van sy hart te klop en in sy warm omhelsing in te stap.

WAARHEID UIT DIE WOORD

Soek na die Here en sy krag. Hou aan om Hom te soek. 1 KRONIEKE 16:11