Ken die Liefde - 'n Studie van 1, 2 en 3 JohannesSample

Lees: 3 Johannes 1:5-8  

SOAP - 3 Johannes 1:8

Dit is dus óns plig om sulke mense te onderhou, sodat ons daardeur deel kan bydra tot die verspreiding van die waarheid.

Oordenking

Almal word geroep om die evangelie aan ander te verkondig. Party word tot voltydse bediening geroep. Dit vereis dikwels van hulle om familie en vriende te verlaat en na plekke buite hulle gemaksone te gaan om die Goeie Nuus van die lewe, dood en opstanding van Jesus aan ander te bring. 

Diegene wat nie geroep word om na ander lande te verhuis of om in voltydse bediening te tree nie, kan steeds bydra tot die verspreiding van God se boodskap van vergifnis deur dié wat gaan te ondersteun. Alle Christene behoort saam te werk om die koninkryk van God te bevorder. Sommige kan voortdurend bid, ander kan finansieel bydra, en ander kan huisvesting of materiële geskenke voorsien vir dié wat opofferings vir die Here maak.

Gebed

Here, wys vir ons elkeen watter rol ons moet speel om die Goeie Nuus van u vergifnis deur Jesus te verkondig. Help my om U te vertrou vir voorsiening om ander te help. Maak my oë oop om te sien op watter maniere U my roep om u kerk te dien en te ondersteun. Amen.