Die vergelyk-speletjie

Ek het al soveel vroue ontmoet wat swaar dra aan ’n negatiewe beeld van hulle lywe. Voel jy negatief oor jou voorkoms en is jy ontevrede met hoe jy lyk?

Ek het deur ’n tyd in my lewe gegaan toe ek my lyf en voorkoms gedurig vergelyk het met dié van vroue rondom my. Gelukkig het ek uiteindelik besef hoeveel skade ek myself aandoen. Want wanneer ons dié vergelyk-speletjie speel, vergelyk ons feitlik altyd ons swakpunte met iemand anders se sterkpunte. En dit sal ons elke keer ontoereikend en waardeloos laat voel. 

Ek glo hierdie gewoonte om ons met ander vroue te vergelyk, is die grootste oorsaak van ons negatiewe beeld van ons lywe en voorkoms. Gans te dikwels vergelyk ons ons met ander vroue en sê vir onsself: “Dit is ’n werklike stryd.” Maar dit is nie. Hierdie vergelyk-speletjie is onrealisties en vernietigend.

ONTHOU: Voel trots op jou liggaam sonder om dit die hele tyd met iemand anders s’n te vergelyk. Jy is ’n unieke en pragtige skepping. Wees jouself.