God Se Beloftes Uit EfesiërsSample

ONS HET KRAG IN CHRISTUS    

Ek dink as ’n mens hierdie gebed in Efesiërs 1:19-23 lees, hierdie einde, dan besef jy: ons het krag, ons het gesag in die Naam van Jesus. Jesus is die hoogste gesag wat daar is en Jesus is die hoof van die kerk. Dit gee aan die kerk, die volgelinge van Jesus, aan my en jou, gesag. God werk kragtig binne ons as ons glo. 

Dra hierdie beloftes uit Efesiërs met jou saam, oordink dit, leef dit en gee die duiwel minder slaankrag. 

Kom ons bid saam: Hemelse Vader, dankie vir hierdie krag, vir hierdie geloof, dat ons saam met Christus gesag het in hierdie wêreld. Amen. 

Hierdie oordenkings is geneem uit DIE WOORD ELKE DAG  deur Andries Enslin, CARPE DIEM MEDIA.