Zenezi 28
28
1Tawamhã Izaqui, Zacoho zô ma tô hâ. Sô hârâ wamhã, ma tô duré ãma mre. Taha pari te duré ãne tãma rowaihu'u:
— Ãme Cana'ã ãma azarutu norĩ na hã ãma ai'maimro õ di za. 2Tahawa ma'ãpé asima rob'ubumro na, Mezopotãmia u aimorĩ da. Tawamhã ai'rada Betu'éhé nhorõwa ãma te za asã. Tame asãmra wamhã, te za aimama wapté Labãhã 'ra norĩ na hã ãma ai'maimro za. 3'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ. 4Abra'ãhã ma, iwẽ te te 're i'apisutu mono ne, te te duré aima 're i'apisutu mono da si, wa ĩsima wẽ. Asihudu norĩ ma zama te te duré tãma 're apisutu mono da si, wa tô ĩsima wẽ, ã hã ti'ai 're, dasiré a'uwẽ'õ na 're i'aihâimana mono zé tede'wa na ta norĩ hã oto 're hâimana za'ra mono da, Abra'ãhã ma, 'Re ihâimana u'âsi mono, ti'a te te isõmri hã.
5Ãne ma tô Izaqui, Zacoho ma rob'ru, Mezopotãmia u morĩ da tame 're hâimana mono da, Labã, Betu'éhé 'ra nhorõwa ãma, Arameu norĩ siré, Rebeca Ezau norĩ na, Zacoho me taha hitébré 're isãmra mono zéb ãma.
Ezau, Ismaeu 'ra na imrozé wasu'u
6Tawamhã Ezau, Izaqui, Zacoho ãma iwẽ te te ipisutuzé hã ma tô waihu'u. Duré Mezopotãmia u morĩ da, tame mro da, te te tãma irob'ruzéb zama ma tô duré waihu'u. Tawamhã imama, ãma mreme wa, ti'ai wa'õtõ nho'u Cana'ã nhipi'õ na mro tõ da, te te tiwi isawizéb zama ma tô waihu'u. 7Imama norĩ nhimiroti, ina norĩ nhimiroti me te te iwapari zahuré zéb zarina, Zaco Mezopotãmia u imorĩzéb zama ma tô duré waihu'u. 8Tawamhã Ezau, Cana'ã nhipi'õ, imama tõmo ma, te te irowẽ'õzé hã ma tô duré waihu'u. 9Tahawa Ismaeu, Abra'ãhã 'ra nhorõwa u ma tô mo. Tawamhã i'ra sipi'õ Maalate, Nebaiotehe hidiba na ma tô timro, Ezau hã.
Zaco, Bétéu ãma te te isahoi mono zé wasu'u
10Tawamhã Zaco, Beseba hawimhã ma tô watobro, morĩ da oto, Harã u. 11Tawamhã hâiwahâ pesere ro iwazéb zahi u wisi wamhã, ma tô tame a'â mazazâ, ãma awẽ da, bâdâ hã za oto sébré wa. Tawamhã tamemhã ẽne hã ma tô sima 'mai'â, ti'rã zaparizéb da. Tahawa ma tô oto nomro, sõtõ da hã. 12Tawamhã Zaco ma tô te te saho. Te te isahoi mono 'remhã ma tô sai'urizé hã 'madâ, ti'ai hawi isãna'rada, hâiwa u i'rãsudu hã. Tawamhã 'Re ihâimana u'âsi mono ma romhuri'wa norĩ hã te nasi ãma sai'uri za'ra. Te duré nasi ãma si'ra za'ra, ti'ai u hã. 13Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã:
— Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra. 14Asihudu norĩ hã ti'a zapru ropâ 're ihâimana za'ra mono ne, ahâ uptabi na te za 're hâimana za'ra. Ta norĩ te za hâiwa nhimi'e niwĩb ãma ro 're ihâimana mono u hã, hâiwa nhimire niwĩb ãma ro 're ihâimana mono u hã, bâtâ pusizém niwĩb ãma, ro 're ihâimana mono u hã, duré bâtâ zasizém niwĩb ãma ro 're ihâimana mono u hã te te ropé. Tawamhã ai'u'âbâ, asihudu norĩ u'âbâb zama wa za daro mono bâ uburé 're idahâimana za'ra mono norĩ ma hã, iwẽ te dama 're apisutu. 15Wa hã wa za asiré 're ĩhâimana u'âsi. Wa za duré ai'wawimhã 're ĩsimapa, nimomo 're ane mono sidâpâsi. Wa za duré ã hã ti'ai u we apâ ai'ãma siri. Te i'airẽme da hã mare di, uburé ĩnhimiropisutuzé te aima ãma i'uwaimramizéb u.
16Tawamhã Zaco topo'o wamhã, te ãne tinha: “Sena te Uburé Danhib'apito ãmemhã tihâiba. Ãne hã wa hã te aré waihu'u õ di.” 17Tawamhã pahi wa, te ãne duré tinha: “Ã hã ro hã ma tô ĩpahi sina ĩma waze. Ãme te 'Re ihâimana u'âsi mono nhorõwa hã tihâiba. Ãme te duré hâiwa 'ridawazé hã tihâiba.”
18Tawamhã awẽ wi Zaco utu wamhã, ma tô ẽne ãma isi'rã zaparizé hã hâiwi tisã, ro iwazéb zahi wasu'uzéb da hã. Taha pari azeitona 'rãi wa'u to hã ma tô duré isisiwi sa'wa, 'Re ihâimana u'âsi mono ma, te te ipisutu na 're sa mono da. 19Tawamhã taha rob ãma 'ri nho'u 're ihâimana mono hã, Rowa'a na isisi hã aré. Tane nherẽ, Zaco hã ma tô isisi na ãma saprĩ, Bétéu#28.19 Bétéu hã hebreu norĩ mreme na “'Re ihâimana u'âsi mono nhorõwa” aiwa prã na ne iwapari na hã. na. 20Tawamhã Zaco, tame ma tô 'Re ihâimana u'âsi mono ma sina ropisudu hã 'manha ãne: “A hã ĩsiré aimorĩ da wamhã, za ĩmorĩzém na i'madâ'â pese mono wamhã, duré ĩ'uzazé norĩ mra me ĩma sõmri za'ra wamhã, 21rowẽ na apâ ĩhâiba ré ĩmama nhorõwa u ĩwisi wamhã, a hã te za Ĩnhib'apito, ĩte 'Re ihâimana u'âsi mono na hã 're aihâimana mo. 22Ã hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”
Atualmente Selecionado:
Zenezi 28: xavBP
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2011, Wycliffe Bible Translators, Inc.All rights reserved.
