Naṉ. 7
7
Ama̱a̱ ama̱a̱rkamu
1Nuwái kanun najana umikmatai Yus nin chichareak “Áminkia nékajme. Ashí iismasha amek péṉker túriniaitme. Tuma asam ame nuwemji̱a̱i̱ uchirmiji̱a̱i̱ tura najatmiji̱a̱i̱ kanunam eṉkemátarum. 2Tura ashí yajasmanumia̱ Yus susamnia ainia nuka siati áishmaṉ tura nuwa̱sha siati eṉkeawarta. Antsu Yus súsachmin ainia nuka áyatik jímiar jímiar áishmaṉ nuwa̱ja̱i̱ eṉkeawarta. 3Tura ashí nanamtincha írunna nu aṉkant aṉkant siati áishmaṉ tura siati nuwa̱sha eṉkeawarta. Kaji̱ṉ amuukara̱i̱ṉ tusam túrata. 4Kame ju̱yá̱ siati tsawant jeamtai 40 tsawant tsawai̱sha káshisha chi̱wia̱tsuk yumi yutukat tusan akupkáttajai. Warí ashí najanamiaj nuna iwiaaku matsatainianak mash amuktatjai” Uunt Yus tímiayi. 5Tura ashí Uunt Yus timia nuna Nuwaikia tímiatrusaṉ umikmiayi.
6Kame ama̱a̱ ama̱a̱rkamia nui̱ Nuwaikia 600 uwí takakuyayi. 7Nuyá̱ ama̱a̱numia̱ uwempratai tusar Nuwaikia ni nua̱ri̱ji̱a̱i̱ tura ni uchirí̱ji̱a̱i̱ ántsaṉ najatí̱ji̱a̱i̱ uunt kanunam eṉkemprarmiayi. 8Tura ashí yajasmanumia̱ Yus susamniasha Yus súsachminiasha nanamtincha tura japinias yujá armia nusha 9Nuwaiji̱a̱i̱ uunt kanunam eṉkemprarmiayi. Kame Yus Nuwain timia nuja̱i̱ métek jímiar jímiar áishmaṉ nuwa̱ja̱i̱ waya̱warmiayi.
10Tura siati tsawant jeamtai ashí nuṉkanam naṉkaamas yútakui ama̱a̱rkatniun juárkimiayi. 11Nuwái 600 uwí takakuya nú uwitin emka nantu nuyá̱ chíkich nantu 17 tsawantin nayantsanmaya̱ initia̱ púkuni kakaram jíintrarmiayi tura yakiya̱sha entsa uraniar tunaja̱i̱ métek wajawarmiayi. 12Tsawai̱sha káshisha 40 tsawant peṉké chi̱wia̱tsuk yutukmiayi.
13Kame yumi yutuktinian juárkimia nú tsawantai̱k Nuwaisha ni nuwe̱ja̱i̱ tura ni uchirí̱ji̱a̱i̱ Sem, Kaam tura Jajetja̱i̱ ántsaṉ menaintiú najati̱ji̱a̱i̱ uunt kanunam waya̱warmiayi. 14Nú shuarak nuyá̱ ashí kampunniunmaya̱ yajasma armia núninniak tura ashí taṉkuncha ní weak núnisaṉ ashí japinias yujá armia nusha núninniak tura ashí nanamtincha nú weak nuyá̱ ashí chiṉkisha nú weak 15Nuwain pataatukiar jímiar jímiar niji̱a̱i̱ mash iwiaakainia nu waya̱warmiayi. 16Kame Yus Nuwain timia tímiatrusaraṉ yajasmasha áishmaṉ nuwa̱ja̱i̱ nú weak jímiar jímiar ashí waya̱warmatai Uunt Yus uunt kanu wáitiri̱n epenmiayi.
17Wats 40 tsawant yumi yutukmiayi. Túruna entsa nujaṉkrakui uunt kanusha yakí̱ takuni̱ nanaasmiayi. 18Éntsaka nú núkap nujaṉkruki̱ wéakui kanusha nú arant yakí̱ takunki̱ wémiayi. 19Maa, ti ama̱a̱rak ashí naint ti yakí̱ armia nunasha mash amuurmiayi. 20Náintian mash amursha nú yakí̱ siati nekapek jeá wá̱i̱miayi. 21Túrunamtai ashí aents nuṉká pujuarmiania nuka tura ashí nanamtincha taṉkusha kuntincha tura japinias yujá armia nusha ashí kajinkiarmiayi. 22Kame mayai̱ji̱a̱i̱ iwiaaku armia nuka ashí jákarmiayi. 23Nuní̱ túrunamtai aentssha yajasmasha nanamtincha japinias yujá armia nusha kame ashí iwiaaku armia nuka jákarmiayi. Tura aya Nuwaik nuyá̱ niji̱a̱i̱ uunt kanunam eṉkemáwarmia nuke uwemprarmiayi. 24Tura 150 tsawant jeasha áma̱a̱ka ku̱yu̱tsuk awamiayi.
Atualmente Selecionado:
Naṉ. 7: jiv
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
©2009 Avant Ministries in cooperation with Wycliffe Bible Translators, Inc. All rights reserved.
