Naṉ. 5
5
Ataṉka shuari̱
1Ataṉ aentsu naari̱ ju̱i̱ aarma jú̱nis áiniawai. Émkak Yus áishmaṉkan najanamia núnaka Niya áantiakun najanamiayi. 2Áishmaṉkan tura nuwa̱n najana péṉker pujutnum yumiṉkrarmiayi. Tura “Aents tutai ártatui” tímiayi.
3Nuyá̱ Ataṉka uchirí̱ Sétan yajutmarmia nui̱ṉkia Ataṉka 130 uwí takakuyayi. Setka aparí̱ya nuní̱ iirauyayi. 4Tura Sétan yajutmarmia nuyá̱ Ataṉ 800 uwí pujumia nui̱ uchin áishmaṉnasha nuwa̱ncha yajutmakmiayi. 5Kame ashí iruram Ataṉka 930 uwí pujus jakamiayi.
6Tura Setka ni uchirí̱n Enusan yajutmarmia nui̱ 105 uwí takakuyayi. 7Tura Enusan yajutmarmia nuyá̱ Set 807 uwí pujumia nui̱ uchin áishmaṉnasha nuwa̱ncha yajutmakmiayi. 8Kame ashí iruram Setka 912 uwí pujus jakamiayi.
9Enussha ni uchirí̱n Kainianan yajutmarmia nui̱ 90 uwí takakuyayi. 10Tura Kainianan yajutmarmia nuyá̱ Enus 815 uwí pujumia nui̱ uchin áishmaṉnasha nuwa̱ncha yajutmakmiayi. 11Kame ashí iruram Enuska 905 uwí pujus jakamiayi.
12Tura Kainianka ni uchirí̱n Mararíran yajutmarmia nui̱ 70 uwí takakuyayi. 13Tura Mararíran yajutmarmia nuyá̱ Kainian 840 uwí pujumia nui̱ uchin áishmaṉnasha nuwa̱ncha yajutmakmiayi. 14Kame ashí iruram Kainian 910 uwí pujus jakamiayi.
15Tura Mararírka ni uchirí̱n Jaritian yajutmarmia nui̱ 65 uwí takakuyayi. 16Tura Jaritian yajutmarmia nuyá̱ Mararír 830 uwí pujumia nui̱ uchin áishmaṉnasha nuwa̱ncha yajutmakmiayi. 17Kame ashí iruram Mararírka 895 uwí pujus jakamiayi.
18Tura Jarit ni uchirí̱n Enukan yajutmarmia nui̱ 162 uwí takakuyayi. 19Tura Enukan yajutmarmia nuyá̱ Jarit 800 uwí pujumia nui̱ uchin áishmaṉnasha nuwa̱ncha yajutmakmiayi. 20Kame ashí iruram Jaritkia 962 uwí pujus jakamiayi.
21Tura Enuk ni uchirí̱n Matusarínian yajutmarmia nui̱ 65 uwí takakuyayi. 22Tura Matusarínian yajutmarmia nuyá̱ Enuk 300 uwí pujumia nui̱ uchin áishmaṉnasha nuwa̱ncha yajutmakmiayi. Tura Enukka Yus wakeramun tuke túriniuyayi. 23Enuka pujusmari̱ ashí irurmaka 365 uwí pujusmiayi. 24Antsu Enukka Yus wakeramun tuke túrin asa chíkich tsawantai̱ Yus nayaimpiniam íwiaakuknak jukimiayi. Túram aya méṉkakamiayi.
25Tura Matusarín ni uchirí̱n Ramikian yajutmarmia nui̱ 187 uwí takakuyayi. 26Tura Ramikian yajutmarmia nuyá̱ Matusarín 782 uwí pujumia nui̱ uchin áishmaṉnasha nuwa̱ncha yajutmakmiayi. 27Kame ashí iruram Matusarínkia 969 uwí pujus jakamiayi.
28Wats Ramikkia 182 uwí takakuya nui̱ uchin yajutmar 29Nuwái anaikiamiayi. Ramik enentáimias “Uunt Yus nuṉkan yajauchiji̱a̱i̱ yumiṉkrachukait. Tuma asamtai aya tákakmasrik tsapamtikiatniuitji. Tura ju̱ uchi ii takatrí̱ya̱ ayamtikramprattaji” nuna enentáimias Nuwái tu anaikiamiayi.#5:29 Kame Nuwái chichamsha ayampratin chichamja̱i̱ métektakuiti. 30Kame Nuwain yajutmarmia nuyá̱ Ramikkia 595 uwí pujumia nui̱ uchin áishmaṉnasha nuwa̱ncha yajutmakmiayi. 31Kame ashí iruram Ramik 777 uwí pujus jakamiayi.
32Nuwaikia 500 uwí takakuya nuyá̱ ni uchirí̱ Sémnasha Káamnasha nuyá̱ Jajetnasha yajutmakmiayi.
Atualmente Selecionado:
Naṉ. 5: jiv
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
©2009 Avant Ministries in cooperation with Wycliffe Bible Translators, Inc. All rights reserved.
