ማቶሳ ጋ ቆፋ
ጋ ቆፋ
ማቶሳ ዎንጌላይ፥ ያና ጌቴቲዲ ኡፋይሳን ናጌቲያ ኣሼይሲ ዬሱሳ ጊዴይሳኔ ፆሳይ ጋልዓ ጫቁዋን ባ ኣሳስ ኢሚዳ ኡፋይሳ ቃላ ፖሊዳይ ኢያ ባጋራ ጊዴይሳ ኦዲያ ዎንጌላ። ሃ ዎንጌላይ ዬሱሲ ኤንታ ጊዶን ዬሌቲዲ ዲጪዳ ኣይሁዴታ ፃላላስ ጊዶናሺን ኩሜ ኣላሚያ ኡባሳ።
ማቶሳ ዎንጌላይ፥ ዳሮ ናጌቴን ፃፌቲዳ ማፃፋ። ማቶሲ ባ ማፃፋ ዬሱሳ ዬሌቴን ዶሚዲ፥ ኢያ ፃማቄቴኔ ኢያ ፓጬቴ ኦዲ ሲሚዲ፥ ጋሊላን ኢ ሳባኪዳባ፥ ታማርሲዳባኔ ሃርጋንቾታ ፓዳባ ኦዴስ። ሄሳፌ ካሊዲ፥ ዬሱሲ ጋሊላፔ ዬሩሳላሜ ቢዳይሳኔ ኢ ሃ ሳዓን ዴዒዳ ዎዴ ዉርሴ ሳሚንታን ሃኒዳባታ ቆንጪሴስ። ሄሲካ ኢያ ካቄቴ፥ ኢያ ሃይቁዋኔ ኢያ ዴንዱዋ ኦይኬስ።
ሃ ዎንጌላይ፥ ዬሱሲ ፆሳ ሂጊያ ቢርሻናው ማቲ ዴዔይሳኔ ፆሳ ካዎቴባ ታማርሲያ ጊታ ኣስታማሬ ኦዲ ሺሼስ። ኢያ ቲሚርቲያፌ ዳሪያ ባጋይ ዱማ ዱማ ማራን ጊጌቲዳ ኢቻሹ ኪፊሌታን ሻኬቴስ።
1. ፆሳ ካዎቴን ዴዒያ ኣሳ ሃኖቴ፥ ኦሱዋ፥ ማታኔ ዉርሴ ቃዳ ኦዲያ ዴሪያ ቦላ ቲሚርቲያ (ሼም 5-7)።
2. ታማኔ ናምዑ ታማሬቲ ዎንጌላ ሳባካናው ቢዳ ዎዴ ኤንታው ኢሜቲዳ ካሌሱዋ (ሼም 10)።
3. ፆሳ ካዎቴባ ታማርሳናው ሺቂዳ ዱማ ዱማ ሌሚሶታ (ሼም 13)።
4. ኢያ ታማሬ ጊዶባ ቢርሼ ኦዲያ ቲሚርቲያ (ሼም 18)።
5. ሃዒ ኣላሚያ ዉርሴኔ ፆሳ ካዎቴ ዩሳባ ኦዲያ ቲሚርቲያ (ሼም 24-25)።
ማቶሳ ዎንጌላ ኣይፌ ቆፋታ
ዬሱስ ኪሪስቶሳ ዬሌቴ ሱሳኔ ኢያ ዬሌቴ 1፡1-2፡23
ፃማቂያ ዮሃኒሳ ኦሱዋ 3፡1-12
ዬሱሳ ፂንቃቲያኔ ፓጬቴ 3፡13-4፡11
ዬሱሲ ጋሊላን ባ ኦሱዋ ኦይኪዳይሳ 4፡12-18፡35
ጋሊላፔ ዬሩሳላሜ ጋካናው 19፡1-20፡34
ዉርሴ ሳሚንታ ዬሩሳላሜ ሄራን 21፡1-27፡66
ጎዳ ሃይቆፔ ዴንዱዋኔ ቆንጬ 28፡1-20
Atualmente Selecionado:
ማቶሳ ጋ ቆፋ: gofENT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2011, Wycliffe Bible Translators, Inc. All rights reserved.
Saiba mais sobre a ኦራ ጫቁዋ ጎፋ