LUKA 21

1YI akasangola meso anci yi akamona bena madidi badi mu kwela malongi abo mu kibumbilu kia tempelo. 2Mo akamona kabidi mukasa a mufu, mwokombi, udi mu kwela momu tumpalata tubidi. 3Yi akatôya ene, Nwatôyela sôsôlwo ene, You mukasa a mufu, mwokombi, apwela lwedi Iwamadika lwabo lwa bungi bwabo ; 4bwalo bwamasangisa bantu baba boso malongi ku madidi abo ; mo yei amakwela ku bokombi bwanci bima bioso biakadi yinanci.

5Yi pakatôya banga dia tempelo mwakabongexebwayi yi mabwe a lwoxixi yi malongi, akatôya ene, 6Bwalo bwa bintu bebi binwatebela matuku analwa atasoxiyibwa kunu dibwe kulu kwa dibwe ditasokwelebwa paxi. 7Yi bakamwapangusa ene, Mweyexi, mbwôso bintu bebi binapona ku kikondo kai ? Yi kilayixilu kinakala beci palanda bintu bebi kulwa ? 8Yi akatôya ene, Nudingili binutaxeungixibwa. Bwalo bunalwa bantu bangi mu dina diamene ene Meme kayou, yi ene, Kikondo kidi pepe ; kanubalandi. 9Ki panunakwombwa dia mbita yi minyingu, kanucini bowa, bwalo buxefika bintu bebi buxi, kate ku sula kakuna nkyekyu nkyekyu.

10Kunyuma kwakabatôyelayi ene, Bubila bunatombokyela bubila, yi bufumu bufumu ; 11yi matepa manene a loboko anakala paxi, yi ku binga bidi nkombo ya ncala, yi bilulu bia masama ; yi bixesa yi bilayixilu binene binalwa bia diulu. 12Mo buxi bwa bintu bebi bioso bunanubakabo makaci abo yi bananukolomona, bananulongola ku bixingidilu yi ku ncibo ya nkanu, yi nunacwadibwa ku mpala ya bafumu yi milopwe ku mucwe ă dina diamene. 13Nako nunakala yi kipoma kia kutôbôla ntôbô. 14Mbwoso nukolesi micima yenu kumoni kwela nkanyi ku buxi mwa kupingasa ; 15bwalo bunanupa musuku yi bwinu, bitaxelubukwa bungi bwabo batanda yinenu mwa kukulumuna, ndo kupetola mpeto. 16Mo nunalongolebwa isanga kudi batetenu yi bamamenu yi bena kwenu yi bilungu bienu yi bimbila bienu ; yi banaxipa banga badi yinenu. 17Yi nunanyananibwa kudi bantu boso ku mucwe ă dina diamene. 18Yi kakuna lunyonyi lwa mucwe ěnu lunafwa pô. 19Ku bwika bwenu ndo kununakala yi mieyo yenu.

20Kaninga panunamona Yelusaleme amadingibwa yi masalai kô, nulubukwi ene, kinkambili kienci kiamakokyela pepe. 21Ku kikondo kieki bobo badi mu Yudiya bacini ku mpongo, yi bobo badi pakacikaci panci babatuki, yi bobo badi ku mbata kababwedi munda mwanci. 22Bwalo budi matuku aa matuku a kusombola malo, bixefikixibwa bintu biosc biamafundibwa. 23Mpeya kudibo badi yi mafu yi kudibo banusa bana ku matuku yia ; bwalo bunakala buxitu bungi ku mbata, yi bisusu kulu kwa bubila bobu. 24Yi banapona ku mpala a mwele, yi banacwadibwa misungi kudi mabila moso ; yi Yelusaleme unanyacibwa muxi mwa makasa a mabila binakukixibwa bikondo bia mabila.

25Yi bilayixilu binakala mu diba yi mu ngondo yi mu mitoto ; yi ku loboko kunakali buxitu kudi mabila adi mu kudixenga xenga bwalo bwa kibila kia mai manene yi diele dia bubi ; 26bantu badi mu kulanda kufwa bwalo bwa bowa, yi bwalo bwa mudingidilu ă malo alolwa ku loboko lwa bantu ; bwalo bunanyingixibwa bena ngulu ba diulu. 27Yi ku kikondo kieki kunamonabo Mwana a Muntu udi mu kulwa ku dibaxi yi ngulu yi dikai dingi. 28Mo panakala bintu bebi biamabangola kulwa, nusangoli meso enu, nwcmbululi micwe yenu, bwalo bwamakokyela kupikudibwa kwenu pepe.

29Yi akabatôyela mwele ene, Numoni muci ă klkuyi, yi mici mioso ; 30papandikayi malwa nwalubukwa mikyenu binwelela meso, ene, ngondo ya munyinya itani pepe nkyekyu. 31Mo nako nonu kabidi, binwamona bintu bebi bilu kulwa, nulubukwi ene, Bufumu bwa Ncembi budi pepe. 32Nwatôyela sôsôlwo ene, Mwociya ou kaunadika pô buxi bunapona bintu bioso. 33Diulu yi loboko binadika, mo meyi amene kanadika pô.

34Mo nudingili ximbi ambeci micima yenu yixekwolubixibwa yi ndôi a bidya yi nkolwa ya malufu yi maxitu a môyo ou, yi dituku dedi dixenukwata kimpwaxa pwa ; 35bwalo bunaluladio bantu boso luna mupeto bakala ku mpala a loboko luncimancima. 36Mo nutebeli, nulombeli Ncembi ku kikondo kioso, binuxelelekyela yi kupanda bintu bebi bioso bitanalanda kulwa, Skwemana ku mpala a Mwana a untu.

37Yi akakweyesa eyesa mu tempelo ku diba dioso ; yi ku butuku bwoso kwakabatukayi, yi akalala ku lupongo Iwabikidibwa ene, lwa Olife. 38Yi bungi bwa bantu bakalwa kudiyi ku butwatuku pexe mu tempelo kulwa mwombwa.

Atualmente Selecionado:

LUKA 21: Luna_NT

Destaque

Copiar