Байбихьи 10
10
Халкъал лъугьараб куц
1Гьале НухӀил васал Шемил, Хамил, Яфетил ва гьездасан лъугьарал наслабазул къиса.
ТӀупаналдаса хадуб Шемиеги, Хамиеги, Яфетиеги лъимал гьаруна.
2Яфетил васал: Гомер, Магог, Мадай, Яван, Тувал, Мешех ва Тирас.
3Гомерил васал: Ашкеназ, Рифат ва Тогарма.
4Яванил васал: Элиша, Таршиш, Киттим ва Доданим. 5(гьел чӀана ралъдал рагӀалда ругел ракьазда).
Гьединал рукӀана гьезул ракьалги, къавмалги, тухумалги ва гьезул киназулго жиде-жидер мацӀги букӀана.
6Хамил васал: Куш, Мисри, Пут ва Ханаан.
7Кушил васал: Сева, ХӀавила, Савта, РагӀма ва Савтеха.
РагӀмал васал: Шева ва Дедан.
8Кушил вукӀана Нимрод абурав вас – дунялалъул тӀоцевесев гуч бергьарав багьадур 9ва БЕТӀЕРГЬАНАСДАСАН гьунар щварав бищун цӀакъав чанахъан. (Гьелдасан бачӀараб буго гьадинаб абиги: «БЕТӀЕРГЬАНАСДАСАН гьунар щварав Нимрод гӀадав цӀакъав чанахъан».) 10Цин гьесул ханлъиялда гьоркьобе унаан Вавилон, Эрех ва Аккад; гьел киналго рукӀана Шинар улкаялда. 11Гьеб улкаялдаса гьев ана Ассириялде. Гьенир гьес рана Ниневия, Реховот-Ир ва Калах абурал шагьарал, 12гьединго Ниневиялдаги Калахалдаги гьоркьоб Ресен шагьарги (гьеб букӀана кӀудияб шагьар).
13Мисридасан лъугьана: лудиял, анамиял, легьавиял, нафтухӀиял, патрусиял, 14каслухиял (гьездасан лъугьана пилистимал) ва кафториял.
15Ханаанидасан лъугьана: Сидон (гьесул тӀоцеве гьавурав вас) ва Хет, 16гьединго евусиял, амориял, гиргашиял, 17хивиял, гӀаркиял, синиял, 18арвадиял, цемариял ва хӀаматиял.
Заманалдасан ханааниязул къавмал киса-кирего тӀиритӀана: 19Сидоналдаса бахъараб Гераралъул рахъалдехун Газаялде щвезегӀан ва Содомалъул, Гоморраялъул, Адмаялъул ва Цевоималъул рахъалдехун ЛашагӀалде щвезегӀан ракьал гьезухъ рукӀана.
20Гьел руго Хамил наслаби ва гьесдасан лъугьарал халкъал, жиде-жидер мацӀалгун ва ракьалгун.
21Шемилги рукӀана лъимал. Гьев ккола Яфетил кӀудияв вац ва Еверил наслуялъул эмен.
22Шемил васал: Елам, Ашур, Арпахшад, Луд ва Арам.
23Арамил васал: ГӀуц, ХӀул, Гетер ва Маш.
24Арпахшадил вас вукӀана Шелах, Шелахил вас ккола Евер. 25Еверие гьавуна кӀиго вас: гьеб заманалда ракьал рикьун рукӀиндал, цоясда цӀар лъуна Пелег#10:25 Пелег – жугьутӀ мацӀалда гьаб цӀар релълъуна «рикьизе» абураб рагӀуда., цогидасда – Яктан.
26Яктанил васал рукӀана: Алмодад, Шелеф, Хацармавет, ЯрахӀ, 27Гьадорам, Узал, Дикла, 28ГӀовал, Авимаэл, Шева, 29Офир, ХӀавила ва Йовав. Гьел киналго руго Яктанил васал, 30гьезул ракьалги руго Мешаялдаса бахъараб бакъбаккудехун Сефараялъул мугӀрузде щвезегӀан.
31Гьел руго Шемидасан лъугьарал наслаби ва гьесдасан лъугьарал халкъал, жиде-жидер мацӀалгун ва ракьалгун.
32Гьединал руго НухӀил васазул наслабиги, гьездасан лъугьарал къавмалги халкъалги; тӀупаналдаса хадуб гьездасан лъугьана дунялалъул тӀолалго халкъал.
Atualmente Selecionado:
Байбихьи 10: АварАК
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© Институт перевода Библии, 2005-2023
