Mataayo 11

1Yeesu ejire aamara okuragirira abheeyigisibhwa bhaaye ekumi na bhabhiri, ˆnaasooka awo, ˆnaagenda mu‑musi ogundi gwa Gariraaya okwiyigisya na okuraasisya abhaanu eyo.

Yowana Omubhatiija kaatuma abheeyigisibhwa bhaaye ku‑Yeesu

(Ruuka 7:18‑35)

2Omwanya ogwo, Yowana Omubhatiija aariga abhoyerwe mw‑ibhoyero. Ari mw‑ibhoyero omwo, ˆnoongwa jinu Kirisito aakoraga. Niwo ˆnaaragirira abheeyigisibhwa bhaaye abharebhe, bhaje okumubhuusya ati, 3“Angu, naawe unu kaaja,#11:3 Naawe unu kaaja. Emisango ejo, ejaayika inguru ya Masiya, ni musango gwa Echiyebhuraniya ku‑Kirisito. Ku‑meeresyo amaafu, ringira Kirisito mu‑Meeresyo inguru ya Emisango Emikomeeye. tere chirindirire owundi?”

4Yeesu ˆnaabhasubhya ati, “Mugende mubhwire Yowana, joone jinu mwoongwa na okurora. 5Mumubhwire ati, abhawofu abharora, abharema abharibhata, abhagenge abheesibhwa, bhanu bhasibhirwe amatwi abhoongwa, abhafuuwe abhasuururwa na abhataka abharaasibhwa Emisango ja Ekisi ja Nyamuwanga.#11:5 Omuragi Iisaya ꞉aaragire ati, Kirisito arikora emirimu ejo joone. Ringira Iisaya 35:5‑6, 61:1. 6Ari na ribhando omuunu woonewoone unu atari na echiitimaato mu‑mwoyo gwaye inguru yaani.”

7Abheeyigisibhwa bha Yowana bhejire bhaasubha‑yo, Yeesu ˆnaamba okubhwira ebhise bhya abhaanu inguru ya Yowana. ˆNaabhabhuusya ati, “Omwanya gunu ꞉mwagendere ibhara, niki chinu ꞉mwagendere okuringira? Tere, ꞉mwagendere okuringira omuunu unu keekirisya emisango joone rwa orufunjo runu omuyaga ogusira enu na erya? Wuri! 8Mbe, ꞉mwagendere okuringira ki? Tere, ꞉mwagendere okuringira omuunu unu afwaye emyenda ja ekisi ja obhugusi obhurambu? Wuri! Ringira, abhaanu bhanu abhafwaraga emyenda ja ekisi ja obhugusi obhurambu na okwikondya ku‑bhwafu bhwa ebhiinu bhinu bhari nabhyo, abheekaraga mu‑nju ja echikama. 9Woori, niki chinu ꞉mwagendere okuringira? Si, ꞉mwagendere okuringira omuragi omurebhe? Yee omwene ni muragi, nawe enibhabhwira ati, Yowana ni mukuru okukira omuragi woonewoone. 10Yowana niwe Ebhikaame Ebhyeru ꞉bhyayikire inguru yaaye ati, ‘Ringira, enituma itumwa yaani imbere yaawo, akutangatire na okukwiraabhira injira.’#11:10 Ringira Maraaki 3:1. 11Ni chimari enibhabhwira ati, mu‑bhaanu bhoone bhanu bheebhuuywe ku‑chaaro kunu, atari‑wo omuunu omukuru wa okukira Yowana Omubhatiija. Nawe, omuunu unu ari omutooto okukira bhoone mu‑bhukama bhwa mu‑rwire, niwe omukuru okukira Yowana Omubhatiija. 12Okusookerera jisiku jinu Yowana Omubhatiija aariga ˆnaaraasya okukingira reero inu, abhaanu abheekomeesya okwingira mu‑bhukama bhwa mu‑rwire kwa amanaga,#11:12 Abhaanu abheekomeesya okwingira mu‑bhukama bhwa mu‑rwire kwa amanaga. Obhugajuro obhundi ni ati, abhaanu abhabhurwana muno obhukama bhwa mu‑rwire. na abhaanu bha amanaga nibho abhabhubhona. 13Abharagi bhoone na Muusa mu‑bhiraagiro bhyaye, ꞉bhaasoosiisye obhuragi okukingira omwanya gunu Yowana ꞉aabhonekeene. 14Mbe, araabha omwikirisya obhuragi bhwebhwe, Yowana niwe Yeeriya unu ꞉aayikirwe ati, ariija.#11:14 Ringira Maraaki 4:5. 15Unu kaategeresya, noongwe!

16“Abhaanu bha riyimbo rinu nibhasusanye na ki? Abhasusana na abhaana bhanu bheenyanjire mw‑iguriro nibhabhirikira abheejaabho nibhaayikaga ati, 17‘꞉Chaabhabhumiiye jikuri, nawe ꞉mutaabhinire! ꞉Chaabheembiiye jinyimbo ja obhusurumbaaye, nawe ꞉mutaaririre!’ 18Abhaanu ꞉bhaakorere kutyokutyo omwanya gunu Yowana ꞉eejire. Omwene aariga atakurya emikaate noorwo aariga atakunywa echifuufu, abhaanu nibhaayika ati, ‘Unu awungirwe risambwa!’ 19Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’ Nawe noorwo kutyo, obhwengeeso bhwa Nyamuwanga obhubhuurisibhwa ati, ni bhwa echimari ku‑njira ya ebhikorwa bhya abhaana bhaaye.”

Yeesu kaagonya abhaanu bha mu‑misi bhanu bhamuremere

(Ruuka 10:13‑15)

20Niwo Yeesu ˆnaamba okugonya abhaanu bha emisi jinu ꞉aakorere‑mo ebhiruguusyo bhyafu, kwa okubha abhaanu abho ꞉bhataataaye ebhibhiibhi bhyebhwe. ˆNaayikaga ati, 21“Jiribhabhona emwe abhaanu bha Korajiini! Jiribhabhona emwe abhaanu bha Bhetisaayida! Araabha ebhiruguusyo bhinu ꞉naakorere kw‑imwe anu, naakabhikorere ku‑bhaanu bha emisi ja Tiiro na Sidooni, chimari abhaanu abho, bhaakataaye ebhibhiibhi bhyebhwe. Bhaakakorere kutyo, kwa okufwara amagunira na okwibhambaga riifu. 22Nawe, enibhabhwira ati, ku‑rusuku rwa indamu, Nyamuwanga arisoosya indamu isito muno, okukira kutyo ariramura abhaanu bha emisi ja Tiiro na Sidooni.#11:22 Ringira Amoosi 1:9‑10; Yoweeri 3:4. 23Emwe abhaanu bha Kaperinaawumu, omwitogera ati Nyamuwanga aribhariinyagisya abhakingye mu‑rwire? Wuri, mutarikorerwa kutyo! Nawe aribhooromosya abhakingye mu‑nyombe!#11:23a Mu‑nyombe. Ku‑meeresyo amaafu, ringira Nyombe mu‑Meeresyo inguru ya Emisango Emikomeeye. Araabha ebhiruguusyo bhinu ꞉naakorere kw‑imwe, bhyakakorekeene mu‑musi gwa Sodoma,#11:23b Sodoma. Omusi gunu Nyamuwanga ꞉aasingaarisiisye ku‑songa ya ebhibhiibhi bhya abhaanu bhaaye. Ringira Obhwambiro 19:24‑29. omusi ogwo, gwakabheye‑wo okukingira reero. 24Nawe enibhabhwira ati, ku‑rusuku rwa indamu, Nyamuwanga arisoosya indamu isito muno okukira kutyo ariramura abhaanu bha omusi gwa Sodoma.”

Yeesu niwe orubhaara rwa okwisya omwoyo

(Ruuka 10:21‑22)

25Omwanya ogwoogwo Yeesu ˆnaayika ati, “Raata, Raatabhugenyi wa orwire na echaaro choone! Enikusiima kwa okubha, emisango jinu ꞉waakorere okubha mbisike ku‑bhaanu abha obhwengeeso na abhamenyi, wajisweruuye abhwerubhweru ku‑bhaanu bhanu bhari na eriikirisya rwa abhaana abharera. 26Yee Raata, nikwo kutyo jaakukondera.”

27Neeya Yeesu ˆnaabhwira abhaanu ati, “Raata waani anaaye bhyone. Atari‑wo omuunu unu kaamenya kutyo anye Omwana wa Nyamuwanga niri, tari Raata wenyere. Ka wone, atari‑wo omuunu unu kaamenya Raata kutyo ari, tari anye Omwana waaye era, na bhuri muunu unu Omwana waaye keenda okumuswerurira.

28“Muuje kw‑anye bhoone bhanu omunyaaka na okusitoyerwa na emigugu emisito, anye enija okubhafungʼamya. 29Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe. 30Ingurwema yaani ni nyaangu okugega na omugugu gwani ni mwangu.”

Atualmente Selecionado:

Mataayo 11: jit

Destaque

Copiar