Dubbii Nagayaa Ka Luqaasii 4

Ataabamuu Yesuusii

(Mat. 4:1-11; Mar. 1:12,13)

1Yesuus hennaa Ayyaana Woyyu'uun guuttamee laga Yoordaanosiitii deebi'e Ayyaanaan gara lafa udume'ee geeffame. 2#Ibr. 4:15 Achitti halkan afurtamaa fi guyyaa afurtamaa daabiloosiin ataabame; guyyoota sanniin waan womaa hin nyaanneef haga faatee fixeen maayii hin beelaye. 3Daabiloos, «Ati yoo Ilma Rabbii taate, dhagaa kana akka xoroshoo ta'u ajaji» jedheen. 4#Kes. Deb. 8:3 Yesuus, « ‹Namni dubbii Rabbiitiin jiraata malee, xoroshoo calla'aan hin jiraatu› jedhamee barreeffameera» jedhee deebiseef. 5Daabiloos gara gaara tokkoo ol isa baasee haga limsuu ijaatitti mootota adunyaa tanaa maraa itti mudhise. 6#Mat. 28:18; Yoh. 1ffaa 2:15-17 Daabiloos, «Ani kana maraa irratti ulfinnaa fi baallii si'iif hin kenna. Kun maruu waan naa kennameeruuf, ani ka jaaladheef kennuu danda'a. 7Kanaafuu ati yoo naa sagadde wonti kun maruu kee ta'a» jedheen. 8#Kes. Deb. 6:13 Yesuus deebisee, «Waaqa Gooftaa keetiif sagadi, Isuma callaa waaqeffadhu! jedhamee barreeffameera» jedheen. 9Akkasuma gara Yerusaalemii fideenii fiixxee ginnoo mana woyyu'uu irra ol isa baasee, «Ati yoo Ilma Rabbii taate, asii gad uf darbi» jedheen. 10‹Rabbi akka si eeganiif maleekkota ufii sii ajaja. 11Akka lutti tee horoma dhaga'aan hin gufanne harka ufiitiin ol si qaban› jedhamee waan barreeffameeruuf, ati Ilma Rabbii yoo taate, asi irraa gad uf darbi» jedheen. 12#Kes. Deb. 6:16; Qor. 1ffaa 10:9 Yesuusillee deebisee, « ‹Waaqa Gooftaa kee hin qorin› jedhamee barreeffameera» jedheen. 13#Ibr. 4:15 Daabiloos haga ataabee ufii maraa fixeen maayessa haga henna'aatiif isa biraa deeme. 14Yesuus hunna Ayyaana Woyyu'uutiin gara Galiila'aa deebi'ee gurri isaallee biyya naannoo jirtu marattuu dhagayame. 15Inni mana sagada Yihuudotaa keessatti barsiisa'aa ture; namni maruu isa jaje. 16Inni gara biyya itti guddatee gara Naazireetii dhaqee akkuma aada'aatitti guyyaa Sambataa mana sagada Yihuudotaa seenee kitaaba dubbisu'uuf ka'ee dhaabate. 17Isaanillee kitaaba raatticha Isaayyaasii itti kennan. Inni maraa kitaabaa badhisee,

18 # Isa. 61:1-2 «Ayyaanni Goofta'aa ana irra jira.

worra hiyyeeyyi'iif Dubbii Gammachu'uu akka himuuf na muudeera;

worra booji'ameef bilisummaa akka lallabuuf,

worra ijaan hin argine akka argan haa godhu'uuf,

worra miidhame akka wolaba baasuuf,

19Bara Gooftaan banii ufii fayyisullee

akka labsuuf na ergeera» dubbiin jedhu hulee itti barreeffameeru arge.

20Innillee kitaaba san maree tajaajila'atti deebisee kennee taa'e; worri mana sagada Yihuudotaa san keessa turan maruu xiinxallanii isa laala'aa turan. 21Achiin maayessa Yesuus, «Akkuma hennaa dubbifamu dhageettan, Barreeffamni Woyyichi kun adha raawwatame» isaaniin jedhe. 22#3:23; Yoh. 6:42 Maruu isaa ragaa baya'aa turan. Kennaa dubbi'ii Ayyaana qabeessa ka afaan isaatii bayu maalalanii, «kun ilma Yooseefiitii mitii?» jedhan. 23#Mat. 4:13; Yoh. 2:12 Yesuus, «Akka isin ati abbaan qorichaa uf fayyisi, Qifirnaahoomittillee akkuma waa hojjachuu kee dhageenne san as biyya kee keessattillee hojjadhu jettanii akka natti mammaattan ani shakkii hin qabu» isaaniin jedhe. 24#Yoh. 4:44 Lammeessoollee, «Ani dhugamaan isinitti hima, raattichi kamuu biyya ufiititti fudhatama hin qabu. 25#Mot. 1ffaa 17:1,9; 18:1; Yaq. 5:17 Ani dhugamaan isiniin jedha, bara Eeliyaasii raattichaatitti woggaa sadihii fi ji'a jahaa roobni caamee, hennaa beelli jabaan biyya maraa irratti bu'e, biyya Israa'elii keessatti haati hiyyeeyyi'ii heddutu ture. 26#Mot. 1ffaa 17:8-16 Haa ta'uu ammo Eeliyaas gara Saraphta'aa biyya Siidonaa keessa jirtuutii gara hiyyeettii takkaa malee, gara taawwanii hin ergamne. 27#Mot. 2ffaa 5:1-14 Bara raatticha Elsaa'ii namni dhukkuba gogaa kukkutuun qabame heddutu biyya Israa'el keessa jira; garuu Niimaanii biyya Sooriya'aa tokkicha san malee worra kaawwan keessaa namni tokkolle hin fayyine» jedhe. 28Namoonni mana sagada Yihuudotaa keessa jiran maruu hennaa kana dhagayan akka malee aaran. 29#Hu. Er. 7:58 Isaan gaara irraa isa darbu'uuf gara gaara qachaan sun irratti hojjatamtee qachaa keessaa isa baasanii gara ededaa isa fidan. 30#Yoh. 8:59; 10:39 Inni ammo isaan jidduu lufee deeme. 31#Mat. 4:13; Yoh. 2:12 Achiin maayii qachaa Qifirnaahoomii gara Galiila'aa bu'ee guyyaa Sambataa isaan barsiisa'aa ture. 32#Mat. 7:28-29; Yoh. 7:46 Inni waan baalli'iin barsiisa'aa tureef dubbii barumsa isaa maalalan. 33Mana sagada Yihuudotaatitti namicha jinni'iin dhayame tokkotu ture. Inni laagaa gudda'aan, 34#4:41; 8:28; Mat. 8:29; Yoh. 6:69 «Lakki! Yesuusii nama Naazireetii hajaa maal nu irraa qabda? Nu balleessu'uuf dhuftee? Ati eennuun akka taate si beeka! Ati Woyyicha Rabbiiti» jedhee iyye.

35Yesuus ayyaana hama'aan, «Cadhisi! isa keessaa bayi!» jedhee isa teedeffate. Seexannillee isaan jiddu'utti isa kuffisee uduu namicha hin miine isa keessaa baye.

36Namoonni maruu maalalfatanii, «Dubbiin akkanaa kun maali'i? baalli'ii fi hunnaan ayyaanota battii ajaja; isaanillee ajajamanii bayan» jedha'aa woliin qaaqan. 37Gurri isaa gara biyya naannoo san jiru maraa keessatti dhagayame.

Yesuus Dhibamtoota Hedduu Fayyise

(Mat. 8:14-17; Mar. 1:29-34)

38Mana sagada Yihuudotaatii ka'ee gara mana Simoonii seene. Hennaa san soddaatiin Simoonii waan dhukkuba oo'aatiin dhukkubsattee turteef, isaan akka inni isii fayyisu isa kadhatan. 39Inni yoosuu dhibee san teedeffate. Dhibeen hennama san isii dhiisee. Isiin ol kaatee isaan tajaajilte. 40Hennaa aduun dhiite dhukkubsattoota dhibee adda addaatiin qabaman maraa gara isaa fidan. Inni tokko tokko isaanii harka ufii isaan irra kaayee isaan fayyise. 41#4:34; Mat. 8:29; Mar. 3:11-12 Jinniin ammo, «Ati Kiristoosii Ilma Rabbiiti» jedha'aa namoota heddu keessaa iyya'aa bayan. Akka inni Kiristoosiin ta'e waan beekaniif, Innillee isaan teedeffate akka hin dubbanne isaan dhoogge.

Yesuus Manniin Sagadaa Yihuudotaa Keessatti Lallabe

(Mar. 1:35-39)

42Yesuus akkuma lafti bariiteen bayee gara lafa udume'ee deeme. Baniin isa barbaadee gara isaa dhufe. Inni isaan dhiisee gara biraa akka hin deemne dhoogguu barbaadan. 43#8:1 Inni ammo isaaniin, «Ani Dubbii Nagayaa ka jeennata Rabbii qachoota biraatittillee lallabuu na barbaachisa; ani akka kana hujuuf ergame» jedhe. 44#Mat. 4:23; 9:35 Inni mana sagada Yihuudotaa ka Galiila'aatitti lallaba'aa ture.

Atualmente Selecionado:

Dubbii Nagayaa Ka Luqaasii 4: KitWoy

Destaque

Copiar