Dubbii Nagayaa Ka Luqaasii 2

Dhaloota Yesuusii

(Mat. 1:18-25)

1Ji'oota san keessa biyyi lafaa maruu akka galmaayu mootii mootota Awugisxoosiin biraa ajanyi baye. 2#Hu. Er. 5:37 Galmaayuun namaa kun jalqaba hennaa Qernewoos biyya Sooriya'aatitti bulchaa ture ta'e. 3Namoonni martinuu galmaayu'uuf gara qacha'aa deeman. 4-5#1:27; Mik. 5:1; Yoh. 7:42 Yooseef akkasuma dhalootaan fiixaa Daawitii waan ta'eef, qachaa Naazireeti ta Galiilaa keessatti argamtuu bayee gara qachaa Daawitii ta biyya Yihuudaa Beetaliheemiin dhaqe; inni galmaayu'uuf Maariyaamii qaadhima isaa ta ulfaa woliin achi ol baye. 6Uduma isaan achi jiran jiini isiin deettu gaye. 7Achitti ilma hangafaa deette; mana keessumma'aa keessatti huleen bulan waan hin jirreef daa'ima uffataan martee gongaa keessa raffifte.

Tisse'ee Fi Maleekkota Rabbii

8Biyya san tissee halkan horii eeddutu jira. 9Maleekkaan Goofta'aa dimmaa isaanitti mudhatee ulfinni Goofta'aallee isaanitti ifnaan bararraaqan.#2:9 bararraaqan: sodaatan 10Maleekkaan Rabbiillee akkana isaaniin jedhe, waan oduu gammachu'uu ka banii maraaf ta'u isinitti himuuf, «Hin sodaatinaa'a! 11#Yoh. 4:25,42 Adha qachaa Daawitii keessatti qorsi isinii dhalateera; innillee Gooftaa Kiristoos. 12Kun malkata akka isinii ta'u, Daa'imni uffataan maramee gongaa keessa ka rafeeru argitan» isaaniin jedhe. 13#Dan. 7:10 Maleekkonni sami'ii hedduu Maleekkaa Rabbii san woliin dimmaa mudhatanii, 14«Samii irratti ulfinni Rabbiif; lafa irratti nageenni namoota inni jaalatuuf haa ta'u» jedhanii Rabbiin galatoonfatan. 15Hennaa Maleekkonni isaan biraa fooyamanii gara sami'ii ol bayan tissoonni, «Ka'aa mee gara Beeteliheemii dhandhee, waan ta'e kana ka Gooftaan nutti hime laallaa!» woliin jedhan. 16Isaan hennaa daddafanii dhaqan Maariyaamii fi Yooseefiin argan, Daa'imallee moonaa loonii keessa gongaa horiin okaya keessaa nyaatu keessatti argan. 17Tissoonni hennaa isa argan waan Maleekkaan Rabbii waan daa'ima kanaa isaanitti dubbate odeessan.#2:17 odeessan: himan 18Worri dhagayan maruu waan tisseen itti himte san hin maalalfatan. 19Maariyaam ammo waan kana maraa garaa ufiititti yaada'aa eega'aa turte. 20Tissoonni akkuma isaaniin jedhame waan dhagayanii argan maraafuu Rabbiin galatoonfata'aa kabajja'aa deebi'an. 21#1:31; Ser. Lew. 12:3 Guyyaan sadeessoon geennaan hennaan daa'ima gadoomsan gaye, akkuma haati isaa uduu hin ulfaayiniin duratti Maleekkaan maqaa isaa baase san «Yesuus» jedhaniin. 22-24#Ser. Lew. 12:6-8; Ser. Ba'u. 13:2,12 Akka seera Muuse'eetitti ji'oonni qulqullinna isaanii hennaa raawwatame, seera Goofta'aatiin akkuma ilmi hangafaa maruu ka Goofta'aaf woyyoome jedhamee barreeffame Gooftaa afoo isa dhiyeessu'uuf, seera Goofta'aatiin akkuma cuquliisa lama yookaan ilmoolee handari'ii lama jedhame ciincaa dhiyeessu'uuf gara Yerusaalemii fidaniin. 25Hennaa san namichi maqaan isaa Simoon jedhamu ka Yerusaalemiin keessa jiraatu tokkotu jira; Inni nama qajeela'a; ka jiruu ufii Rabbiif kenneeru. Inni nama fayyinna Israa'elii eeggatu ka Ayyaanni Woyyuun irra jiru ture. 26Nama Goofta'aan muudame uduu hin argine akka hin duune Ayyaana Woyyu'uun hubate. 27Ayyaanaan gara mana woyyu'uu dhaqe; Maariyaamii fi Yooseef akka Seera Muuse'eetitti waan isa barbaachisu isaa godhu'uuf hennaa daa'ima qabatanii gara mana woyyu'uu seenan, 28Inni daa'ima isaan harkaa fuudhee ammatee Rabbiin galatoonfata'aa akkana jedhe,

29 # Ser. Uma. 46:30 «Amma Gooftaa'a, abdii kennite guutteerta,

ana tajaajilaa kee nagayaan hulee dhuga'aa geessi#2:29hulee dhuga'aa geessi» na fudhadhu.

30-31 # 3:6; Isa. 52:10 Ijji tiyya banii maraa afo'otti fayyinna ati qopheessite waan argiteef.

32 # Isa. 42:6; 49:6; 52:10; Hu. Er. 13:47 Kun ifa dhugaa worra Yihuudota hin ta'initti mudhisu ta'a;

Gumii kee Israa'eliifillee ulfinna fida» jedhee Rabbiin galatoonfate.

33Yooseefii fi Maariyaam#2:33 Maariyaam: haati Yesuusii waan Simoon waan daa'imaatiif dubbate maalalfatan. 34-35#Isa. 8:14; Hu. Er. 28:31 Achiin maayessa Simoon isaan eebbise Maariyaamiin, «Daa'imni kun Israa'eliin keessatti nama hedduuf sababa badi'ii, nama hedduuf ammo sababaa fayyinnaa akka ta'uuf muudameera. Kunillee worra isaan mormuuf malkata ta'a; yaanni dhossa'aa ka garaa namoota hedduu keessa jiru ifatti baya#2:34-35 ifatti baya: hin mudhata Gaddi akka guraadee qarameellee garaa kee woraana» jedhe. 36Raattittiin Haannaa jedhamtu ta guddiftee jaarteertu, mucattiin Faanu'eelii, ta gosa Aseerii takka achi jirti. Isiin heerumtee woggaa torba haga jiraatteen maayessa abbaan manaa isi'ii du'e. 37#Xim. 1ffaa 5:5 Achiin maayessa haadha hiyyeessaa taate. Haga woggaa saddeettamii afurii abbaa manaa malee teette. Isiin mana woyyuu keessatti soomaa fi Rabbiin kadhachu'uun halkanii fi guyyaa Rabbiin tajaajilte. 38Haannaan hennama san dhuftee Rabbiin galatoonfattee, waan daa'imaa worra bilisa bayuu Yerusaalemii eeggatu marattuu dubbatte.

Gara Naazireetii Deebi'an

39 # Mat. 2:23 Yooseefii fi Maariyaam haga waan Seerri Goofta'aa ajaju mara godhanii fixaniin maayessa gara qachaa ufii gara Naazireetii ka Galiilaa keessatti argamuu deebi'an. 40#1:80; 2:52; 4:16 Daa'imni guddatee jabaate; nama qaroo ta'e; badhaani Rabbiillee isa irra jira. 41#Ser. Ba'u. 12:1-27; Kes. Deb. 16:1-8 Abbaa fi haati isaallee woggama wogga'aan guyyaa ayyaana Faasika'aa gara Yerusaalemii dhaqan. 42Hennaa mucaan woggaa kudha lamaa guute, akkuma baratame isaan gara Yerusaalemii dhaqan. 43Guyyoonni ayyaanaa sun haga lufeen maayessa hennaa deebi'an Yesuus Yerusaalemitti hafe. Akka Inni achitti hafe Maariyaamii fi Yooseefillee hin beenne. 44Imaltoota woliin waan deeme seeyanii deemsa guyyaa tokkoo deemanii firoota ufiitii fi nama beekan maraa iyyaafataniin. 45Isaan hennaa achii isa dhaban soqa'aa gara Yerusaalemii deebi'an. 46Guyyaa sadihiin maayessa mana woyyuu keessatti edduu barsiisotaa taa'ee isaan dhagaya'aa, hennaa inni gaafii isaan gaafatu argan. 47#Yoh. 7:15 Worri isa dhagayan martinuu beekkumsa isaatii fi deebii inni deebisu maalalan. 48Abbaa fi haatillee hennaa isa argan hin maalalan. Haati isaa, «Ilma kiyya maaf akkana nu goote? Anii fi abbaan kee akka malee yaaddofnee si soqaa'aarra» jetteen.

49 # Yoh. 2:16; Far. 26:8 Yesuus deebisee, «Isin maaf na soxxan? Ani mana Abbaa kiyyaa keessa taa'uu akka na barbaachisu hin beettanii?» isaaniin jedhe. 50Isaan waan inni dubbate hin hubanne. 51Achiin maayessa inni worra ufii woliin gara qachaa Naazireetii deebi'ee worraafillee ajajame. Haati isaa waan kana maraa garaa ufii keessatti eega'aa turte. 52#1:80; 2:40; Sam. 1ffaa 2:26; Mam. 3:4 Yesuus ogumma'aa fi hojja'aan gaachenaanillee Rabbii fi nama afo'otti hin guddate.

Atualmente Selecionado:

Dubbii Nagayaa Ka Luqaasii 2: KitWoy

Destaque

Copiar