ወንጌል ዘዮሐንስ 5

ምዕራፍ 5

በእንተ ምጥማቃት ዘጵሩጳጥቄ

1 # ዘሌ. 23፥5፤ 16፥1። ወእምድኅረዝ ኮነ በበዓሎሙ ለአይሁድ ዐርገ እግዚእ ኢየሱስ ኢየሩሳሌም። 2#ነህ. 3፥1። ወቦ ውስተ ኢየሩሳሌም ምጥማቃት ዘጵሩጳጥቄ ቅልንብትራ ዘውእቱ ቀላየ አባግዕ ብሂል ወይብልዋ ስማ በዕብራይስጥ ቤተ ሳይዳ#ቦ ዘይቤ «ዘይእቲ ቤተ ሣህል» ወባቲ ኀምስቱ ሕዋራት። 3ወህየ ይሰክቡ ብዙኃን ድዉያን ዕዉራን ወሐንካሳን ወይቡሳን#ቦ ዘይዌስክ «ፅውሳን ወጽቡሳን» ወይጸንሑ ሁከተ ማይ። 4እስመ መልአከ እግዚአብሔር በጊዜ ይወርድ ውስተ ምጥማቃት ይትሀወክ ማይ ወዘይወርድ ቀዲሙ እምድኅረ ሁከተ ማይ ወይትኀፀብ የሐዩ እምኵሉ ደዌ ዘቦ።

በእንተ መፃጕዕ

5ወሀሎ ህየ አሐዱ ብእሲ ዘሠላሳ ወሰመንቱ ክረምቱ እምዘ ደወየ። 6ወኪያሁ ርእዮ እግዚእ ኢየሱስ እንዘ ይሰክብ ውስተ ዐራቱ አእመረ ከመ ጐንደየ ውስተ ደዌሁ ወይቤሎ ትፈቅድኑ ትሕየው። 7ወአውሥአ ውእቱ ድዉይ ወይቤሎ እወ እግዚኦ አላ ሰብእ አልብየ ከመ ሶበ ይትሀወክ ማይ ያውርደኒ ውስተ ምጥማቃት ወሶበ እመጽእ አነ ባዕድ ይቀድመኒ ወሪደ። 8ወይቤሎ እግዚእ ኢየሱስ ተንሥእ ወንሣእ ዐራተከ ወሑር። 9#9፥14። ወሐይወ ሶቤሃ ውእቱ ብእሲ ወነሥአ ዐራቶ ወሖረ ወሰንበት አሜሃ ይእቲ ዕለት።

ዘከመ አስተዋደይዎ አይሁድ ለእግዚእ ኢየሱስ

10 # ዘፀ. 20፥8፤ ነህ. 13፥19፤ ኤር. 17፥21-27። ወይቤልዎ አይሁድ ለዘሐይወ ሰንበት ውእቱ ዮም ወኢይከውነከ ትንሣእ ወትጹር ዐራተከ። 11ወአውሥአ ወይቤሎሙ ዘአሕየወኒ ውእቱ ይቤለኒ ጹር ዐራተከ ወሑር። 12ወተስእልዎ አይሁድ ወይቤልዎ መኑ ውእቱ ብእሲሁ ዘይቤለከ ተንሥእ ወጹር ዐራተከ ወሑር። 13ወውእቱሰ ዘሐይወ ኢያእመረ መኑ ውእቱ ዘአሕየዎ እስመ ተሰወረ እግዚእ ኢየሱስ ማእከለ ብዙኃን ሰብእ እለ ሀለዉ በውእቱ መካን። 14#8፥11፤ ምሳ. 14፥34፤ ሕዝ. 18፥4-20። ወእምዝ ረከቦ እግዚእ ኢየሱስ ለውእቱ ዘሐይወ በምኵራብ ወይቤሎ ናሁኬ ሐየውከ ዑቅ ኢተአብስ ዳግመ ከመ ዘየአኪ እምዝ ኢይርከብከ። 15ወሖረ ውእቱ ብእሲ ወነገሮሙ ለአይሁድ ከመ እግዚእ ኢየሱስ ውእቱ ዘአሕየዎ። 16#ሉቃ. 14፥3-5። ወበእንተ ዝንቱ ያስተዋድይዎ አይሁድ ለእግዚእ ኢየሱስ ወየኀሥሡ ይቅትልዎ እስመ ከመዝ ይገብር በሰንበት። 17#9፥4፤ 14፥10። ወአውሥአ እግዚእ ኢየሱስ ወይቤሎሙ አቡየሂ እስከ ይእዜ ይገብር ወአነሂ ከማሁ እገብር። 18#ሮሜ 8፥31። ወበእንተ ዝንቱ ፈድፋደ የኀሥሡ አይሁድ ይቅትልዎ እስመ አኮ ክመ ሰንበተ ባሕቲቶ ዘይስዕር ዳእሙ ዓዲ አባሁ ይሬስዮ ለእግዚአብሔር ወያዔሪ ርእሶ ምስለ እግዚአብሔር። 19#3፥11፤ 8፥26-28። ወእምዝ አውሥአ እግዚእ ኢየሱስ ወይቤሎሙ አማን አማን እብለክሙ ኢይክል ወልድ ገቢረ ዘእምኀቤሁ ወኢምንተኒ ዘእንበለ ዘርእዮ ለአብ ይገብር እስመ ግብረ ዘይገብር አብ ወልድኒ ኪያሁ ይገብር በአምሳሉ። 20#1፥50፤ ማቴ. 3፥17። እስመ አብ ያፈቅር ወልዶ ወኵሎ ያሬእዮ ዘውእቱ ይገብር ወዘየዐቢ እምዝ ያሬእዮ ግብረ ከመ አንትሙ ታንክሩ። 21#ዘዳ. 32፥39፤ 6፥1-2። ወበከመ አብ ያነሥኦሙ ለምዉታን ወያሐይዎሙ ከማሁ ወልድኒ ለዘፈቀደ ያሐዩ። 22#ዳን. 7፥13-15፤ ግብረ ሐዋ. 17፥31። እስመ አብሰ ኢይኴንን ወኢመነሂ አላ ኵሎ ኵነኔሁ አወፈዮ ለወልዱ። 23#ፊልጵ. 2፥10-11፤ 1ዮሐ. 2፥24። ከመ ኵሉ ሰብእ ያክብርዎ ለወልድ በከመ ያከብርዎ ለአብ ወዘሰ ኢያከብሮ ለወልድ ኢያከብሮ ለአብ ዘፈነዎ። 24#18፥36፤ ሮሜ 8፥1፤ 1ዮሐ. 3፥13። አማን አማን እብለክሙ ዘይሰምዕ ቃልየ ወየአምን በዘፈነወኒ ይረክብ ሕይወተ ዘለዓለም ወኢየሐውር ውስተ ደይን አላ ዐደወ እሞት ውስተ ሕይወት። 25#ኤፌ. 2፥5-6፤ ራእ. 20፥4-6። አማን አማን እብለክሙ ከመ ይበጽሕ ጊዜሁ ወይእዜ ውእቱ ከመ ምዉታን ይሰምዕዎ ቃሎ ለወልደ እግዚአብሔር ወእለሰ ሰምዕዎ የሐይዉ። 26#1፥1-4፤ 1ዮሐ. 5፥12-20፤ ዳን. 7፥13-14። ወበከመ ለአብ ቦቱ ሕይወት ኀቤሁ ከማሁ ለወልድኒ ወሀቦ ሕይወተ ከመ ይኩን ሕይወት ኀቤሁ። 27ወወሀቦ ሥልጣነ ከመ ይግበር ፍትሐ ወኵነኔ እስመ ወልደ እግዚአብሔር ወልደ ዕጓለ እመሕያው ውእቱ። 28#1ተሰ. 4፥16። ወበእንተ ዝንቱሰ ኢታንክሩ እስመ ትመጽእ ሰዓት በዘይሰምዕዎ ቃሎ ኵሎሙ እለ ውስተ መቃብር። 29#6፥40፤ ዳን. 12፥2፤ ራእ. 20፥11-15። ወይወፅኡ እለ ሠናየ ገብሩ ውስተ ትንሣኤ ዘለሕይወት ወእለሰ እኩየ ገብሩ ውስተ ትንሣኤ ዘለደይን። 30#6፥38። ኢይክል አንሰ ገቢረ ለልየ ዘእምኀቤየ ወኢምንተኒ አላ በከመ ሰማዕኩ እኴንን ወኵነኔየኒ ጽድቅ ውእቱ እስመ ኢየኀሥሥ ፈቃደ ዚኣየ ዘእንበለ ፈቃዱ ለዘፈነወኒ። 31#8፥14-54። ወእመሰ ለልየ ስምዐ ኮንኩ ለርእስየ ኢኮነ ጽድቀ ስምዕየ። 32#ማቴ. 3፥17። ወባሕቱ ካልእ ውእቱ ሰማዕትየ ወአአምር ከመ ጽድቅ ውእቱ ስምዑ ዘስምዐ ኮነ በእንቲኣየ። 33#1፥19-35፤ 3፥27-30። አኮኑ አንትሙ ለአክሙ ኀበ ዮሐንስ ወነገረክሙ ስምዖ በጽድቅ በእንቲኣየ። 34ወአንሰ አኮ ስምዐ ሰብእ ዘእፈቅድ ወባሕቱ ዘንተ እብል ከመ አንትሙ ትእመኑ ወትድኀኑ። 35ዝንቱ ውእቱ ማኅቶት ዘያኀቱ ወያበርህ ወአንትሙ ፈቀድክሙ ትትፈሥሑ በብርሃኑ አሐተ ሰዓተ። 36#1ዮሐ. 5፥9፤ ዮሐ. 14፥11። ወአንሰ ብየ ሰማዕት ዘየዐቢ እምስምዐ ዮሐንስ እስመ ግብር ዘወሀበኒ አቡየ ከመ እግበር ወእፈጽም ውእቱ ግብር ዘእገብር ሰማዕትየ ከመ አብ ፈነወኒ። 37#ዘፀ. 33፥20፤ ማቴ. 3፥17፤ ማር. 1፥11፤ ሉቃ. 3፥27። ወአቡየ ዘፈነወኒ ውእቱ ሰማዕትየ ወእምአመ ኮንክሙ ቃሎ ኢሰማእክሙ ወራእዮሂ ኢርኢክሙ። 38ወቃሉሂ አልብክሙ ወኢይነብር ኀቤክሙ እስመ ዘውእቱ ፈነወ ኪያሁ ኢአመንክሙ። 39#ኢሳ. 37፥17፤ ዘዳ. 18፥15-18። ኅሡ ትርአዩ ውስተ መጻሕፍት እስመ ቦቶን ይመስለክሙ ዘትረክቡ ሕይወተ ዘለዓለም ወእማንቱ ሰማዕትየ። 40#ማቴ. 23፥37። ወኢትፈቅዱ ትምጽኡ ኀቤየ ከመ ትርከቡ ሕይወተ ዘለዓለም። 41አንሰ ኢይፈቅድ ያድሉ ሊተ ሰብእ። 42ወባሕቱ አእመርኩክሙ ከመ አልብክሙ ፍቅረ እግዚአብሔር ላዕሌክሙ። 43#ማቴ. 24፥5። አነ መጻእኩ በስመ አቡየ ወኢተወከፍክሙኒ ወአመ መጽአ ካልእ በስምዐ ነፍሱ ኪያሁ ትትዌከፉ። 44#12፥42-43። እፎ ትክሉ አንትሙ አሚነ ዘተኀሥሡ ክብረ እምቢጽክሙ ወኢተኀሥሡ ክብረ እምእግዚአብሔር ዋሕድ። 45#ዘዳ. 31፥27። ኢይምሰልክሙ ዘአነ አስተዋድየክሙ ኀበ አብ አላ ሀሎ ሙሴ ዘያስተዋድየክሙ ዘኪያሁ ትሴፈዉ ወትትዌከሉ። 46#ዘፍ. 3፥15፤ 49፥10፤ ዘዳ. 18፥15። ሶበሰ አመንክምዎ ለሙሴ ኪያየኒ እምአመንክሙኒ እስመ በእንቲኣየ ጸሐፈ ውእቱ። 47ወእመሰ ዘጸሐፈ ሙሴ ኢተአምኑ እፎ ቃልየ ተአምኑ።

Atualmente Selecionado:

ወንጌል ዘዮሐንስ 5: ሐኪግ

Destaque

Copiar