ወንጌል ዘዮሐንስ 15

ምዕራፍ 15

በእንተ ሐረገ ወይን ወበእንተ አዕጹቂሁ

1 # መዝ. 79፥15። አነ ውእቱ ሐረገ ወይን ዘጽድቅ ወአቡየ ተካሊሁ ውእቱ። 2ወለኵሉ ዐጽቅ ዘኢይፈሪ በላዕሌየ ይገዝምዎ ወያአትትዎ ወለኵሉ ዐጽቅ ዘይፈሪ ያስተናጽሕዎ ከመ ብዙኀ ይፍረይ። 3#13፥10። ወአንትሙሰ ወዳእክሙ ንጹሓን አንትሙ በእንተ ቃል ዘነገርኩክሙ። 4ንበሩ ብየ ወአነሂ ብክሙ ወበከመ ዐጽቅ ኢይክል ፈርየ ባሕቲቱ እመ ኢሀሎ ውስተ ጕንደ ወይኑ ከማሁ አንትሙኒ ኢትክሉ ፈርየ ለእመ ኢነበርክሙ ብየ። 5#2ቆሮ. 3፥5። አነ ውእቱ ጕንደ ወይን ወአንትሙሂ አዕጹቂሁ ዘነበረ ብየ ወአነሂ ቦቱ ውእቱኬ ዘይፈሪ ብዙኀ እስመ ዘእንበሌየሰ አልቦ ዘትክሉ ገቢረ ወኢምንተኒ። 6#ማቴ. 13፥40-42። ወእመቦ ዘኢነበረ ብየ ይገድፍዎ አፍኣ ከመ ዐጽቅ ይቡስ ወያስተጋብእዎ ወያውዕይዎ በእሳት። 7#ማር. 11፥24፤ 14፥13-14። ወእመሰ ነበርክሙ ብየ ወነበረ ቃልየ ኀቤክሙ ኵሎ ዘፈቀድክሙ ትስእሉ ወይከውን ለክሙ። 8ወበዝንቱ ይሴባሕ አቡየ እምከመ ብዙኀ ፍሬ ትፈርዩ ወትከውኑኒ አርዳእየ። 9#ሮሜ 8፥35-39። ወበከመ አፍቀረኒ አብ ከማሁ አነሂ አፍቀርኩክሙ ንበሩ በፍቅረ ዚኣየ። 10#14፥15፤ 1ዮሐ. 5፥3። ወእመሰ ታፈቅሩኒ ዕቀቡ ትእዛዝየ ወሀልዉ በፍቅረ ዚኣየ በከመ ዐቀብኩ አነ ትእዛዞ ለአቡየ ወእሄሉ በፍቅሩ። 11#17፥13። ወነገርኩክሙ ዘንተ ከመ የሀሉ ልብየ ወፍሥሓየ ወፍቅርየ ኀቤክሙ ከመ ፍጹመ ይኩን ፍሥሓክሙ።

ዘከመ ይደልዎሙ ለአኀው ተፋቅሮ

12 # 13፥34፤ 1ዮሐ. 3፥23፤ 2ዮሐ. 5። ወዛቲ ይእቲ ትእዛዘ እንቲኣየ ከመ ትትፋቀሩ በበይናቲክሙ በከመ አነ አፍቀርኩክሙ። 13#1ዮሐ. 3፥16። አልቦ ዘየዐቢ ወይኄይስ እምዝ ፍቅር ከመ ብእሲ ዘይሜጡ ነፍሶ ቤዛ ነፍሰ ቢጹ። 14#8፥31። አንትሙሰኬ አዕርክትየ አንትሙ እምከመ ገበርክሙ ኵሎ ዘአዘዝኩክሙ። 15#14፥10፤ ኢሳ. 54፥5፤ ሮሜ 6፥16። ኢይብለክሙ እንከ አግብርትየ አላ አዕርክትየ አንትሙ እስመ ገብርሰ ኢየአምር ዘይሬስዮ እግዚኡ ወለክሙሰ አዕርክትየ እብለክሙ እስመ ኵሎ ዘሰማዕኩ በኀበ አቡየ ነገርኩክሙ። 16#17፥23፤ 1ዮሐ. 4፥10፤ ሮሜ 8፥32። አኮ አንትሙ ዘኀረይክሙኒ ወሤምክሙኒ#ቦ ዘኢይጽሕፍ «ወሤምክሙኒ» አላ አነ ኀረይኩክሙ ወሤምኩክሙ ወእሬስየክሙ ከመ ትሑሩ ወፍሬ ትፍረዩ ወውእቱ ፍሬክሙ ይነብር ለዓለም ከመ እመቦ ዘሰአልክምዎ ለአብ በስምየ ኵሎ ይሁበክሙ። 17ወዘንተ እኤዝዘክሙ ከመ ትትፋቀሩ በበይናቲክሙ። 18#7፥7። እመሂ ዓለም ጸልአክሙ አእምሩ ከመ ኪያየ ቀደመ ጸሊአ። 19#17፥14፤ 1ዮሐ. 4፥5። ሶበሰ እምዓለም አንትሙ እምአፍቀረክሙ ዓለም እስመ ዓለም ያፈቅር እሊኣሁ ወባሕቱ እስመ ኢኮንክሙ እምዓለም አላ አነ ኀረይኩክሙ እምውስተ ዓለም ወበእንተ ዝንቱ ይጸልአክሙ ዓለም። 20#13፥16፤ ማቴ. 10፥24፤ ሉቃ. 6፥40፤ ዮሐ. 13፥16። ተዘከሩ ቃልየ ዘአነ እቤለክሙ አልቦ ገብር ዘየዐቢ እምእግዚኡ ወኢሐዋርያ እምዘፈነዎ እምከመ ኪያየ ሰደዱ ኪያክሙኒ ይሰድዱክሙ ወሶበሰ ዐቀቡ ቃልየ ቃለክሙኒ እምዐቀቡ። 21#16፥3። ወባሕቱ ዘንተ ኵሎ ይገብሩ ላዕሌክሙ በእንተ ስምየ እስመ ኢየአምርዎ ለዘፈነወኒ። 22ሶበሰ ኢመጻእኩ ወኢነገርክዎሙ እምድኅኑ ወእምኢኮኖሙ ጌጋየ ወይእዜሰ ባሕቱ አልቦሙ ምክንያት ለጌጋዮሙ። 23#1ዮሐ. 5፥13። ዘጸልአ ኪያየ ጸልኦ ለአቡየ ወሶበ ኢገበርኩ ሎሙ ግብረ ዘባዕድ ኢገብሮ እምኢኮኖሙ ጌጋየ። 24ወይእዜሰ ባሕቱ ርእዩኒሂ ወጸልኡኒሂ ኪያየሂ ወአቡየሂ። 25#መዝ. 68፥4። ወባሕቱ ከመ ይብጻሕ ቃል ዘጽሑፍ ውስተ ኦሪቶሙ ዘይቤ ጸልኡኒ በከንቱ።

በእንተ ጰራቅሊጦስ

26 # 14፥26። ወሶበ መጽአ ጰራቅሊጦስ ዘአነ እፌኑ ለክሙ እምኀበ አብ መንፈሰ ጽድቅ ዘይወፅእ እምኀበ አብ ውእቱ ሰማዕትየ። 27ወአንትሙሂ ሰማዕትየ እስመ እምትካት ሀለውክሙ ምስሌየ።

Atualmente Selecionado:

ወንጌል ዘዮሐንስ 15: ሐኪግ

Destaque

Copiar