Mateo 1
1
Yeso‑ka idi mai oni
1Yeso Kirisito‑ka idi mai oni okanahanaboneni. Yeso‑ka idi i‑di Dafi tohe, ai‑ka hidi tohematane. I‑di Dafi‑ka idi i‑di Abaraho tohematane.
2Abaraho bidi i‑di Isaki toha, Isaki bidi i‑di Yako toha, Yako bidi i‑di Yoda toha nematane. Yoda anidi mai toha, sohori mai toha nameteni.
3Yoda bidi i‑di Feresi toha, owa i‑di Sera toha, mai‑ka ami i‑di Tama toha nameteni. Feresi bidi i‑di Esiro toha, Esiro bidi i‑di Araho toha,
4Araho bidi i‑di Aminadabi toha, Aminadabi bidi i‑di Nasomi toha, Nasomi bidi i‑di Sarimo toha nematane.
5Sarimo fadi i‑di Habi, mai‑ka ewe i‑di Bowasi toha, Bowasi fadi i‑di Hoti, mai‑ka ewe i‑di Obedi toha, Obedi bidi i‑di Yese tohematane.
6Yese bidi i‑di Dafi, ai‑ka hidi webote tohematane. I‑di Oriya fadi‑ya Dafi famawahe, mai‑ka ewe i‑di Saromaho tohematane.
7Saromaho bidi i‑di Hobowaho toha, Hobowaho bidi i‑di Abiyasi toha, Abiyasi bidi i‑di Asa toha,
8Asa bidi i‑di Yosafa toha, Yosafa bidi i‑di Yoraho toha, Yoraho bidi i‑di Osiya toha,
9Osiya bidi i‑di Yotaho toha, Yotaho bidi i‑di Akasi toha, Akasi bidi i‑di Esekiya toha,
10Esekiya bidi i‑di Manasesi toha, Manasesi bidi i‑di Amo toha, Amo bidi i‑di Yosiya toha,
11Yosiya bidi i‑di Yekoniya toha nematane. Yekoniya toha, sohori mai toha, ai‑ka idi mai toha na, mai‑ya mai towakamameteni, Babironi‑kaya.
12Babironi‑kaya i‑di Yekoniya bidi wade, oni i‑di Saratieo toha, Saratieo bidi i‑di Sorobabeo toha,
13Sorobabeo bidi i‑di Abiodi toha, Abiodi bidi i‑di Eriaki toha, Eriaki bidi i‑di Asohori toha,
14Asohori bidi i‑di Sadoke toha, Sadoke bidi i‑di Akima toha, Akima bidi i‑di Eriodi toha,
15Eriodi bidi i‑di Eriasa toha, Eriasa bidi i‑di Mataho toha, Mataho bidi i‑di Yako toha,
16Yako bidi i‑di Yose tohe, Yose fadi‑bone i‑di Mariya tohameteni. Mariya bidi i‑di Yeso, Deoso‑ka Ka‑kadika amane, mai ati nineni.
17Abaraho‑ka nodi mai 14 tohawahi‑ke i‑di Dafi tohe, i‑di Dafi‑ka nodi mai 14 tohamakitasi‑ke Yodeo mai hiwakamematane, Babironi‑kaya. Ai‑ka idi mai kamatasa, mai‑ka nodi mai 14 tohamakitasi‑ke i‑di Deoso‑ka Ka‑kadika kobonawahematane.
Yeso wade
18Fare i‑di Yeso Kirisito wademata tamine timitahi. Yeso madi‑bone i‑di Mariya‑ya i‑di Yose famebona, mai fami awisari‑ya Deoso‑ka Doni ati ene Mariya naba tohameteni.
19Deoso ati‑ya Yose nofi nafi, Mariya naba tamine‑ya mite, atibodi yama‑ya kadike,
“Owa ene Mariya‑ya mai weeriyahi. Owati yanaraboneni. Hini owa honita wahaboneni.” I‑di Yose atibodi ati nematane.
20I‑di Yose amone, Deoso‑ka yo‑yose wadarine‑ya awe, ati‑ya mite,
“Yose, i‑di Dafi‑ka nodi amatini. Owati timitahi. I‑di Mariya dai famiyahi. Sibaraboneni. Deoso‑ka Doni ati ene Mariya naba toha, maki ene tohi awirane.
21Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.
22Deoso ati‑ya mi‑mita‑mata ati‑nima yama nameteni.
23“Fana atona maki‑ya famatera naba tohawahaboneni. Bidi wadeya, oni Emano·eo tohebonane.” Deoso‑ka yama hani ati neni.
Emano·eo ai ati‑ya Deoso ai‑ya sawine.
24I‑di Yose dodafi, Deoso‑ka yo‑yose ati wadarine‑nima idi Yose ne, Mariya‑ya dodimaki, Mariya‑ya kakame, hini hika yobe‑ya Mariya winawahameteni.
25Hifamarameteni. Dori wadi hawa tohiya, hifamawahameteni. I‑di Yose ati ene, Mariya bidi oni i‑di Yeso tohematane.
Atualmente Selecionado:
Mateo 1: jaaNT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
