यहून्ना जाणकारी
जाणकारी
इ पोथीनै परमेसर को चोथो चोखो समचार बोल्यो जावै ह, मांडबाळो जब्दि को बेटो अर याकूब को भाई यहून्ना ह जखो ईसु का बारा खास चेला म एक हो। आ पोथी बो 85-95 ई. म मांडी जिकी खास बात ईसु प बिस्वास ह।
इ पोथी म यहून्ना चमत्कार, बिस्वास अर जीवन (20:30,31) आ तीन सब्दा प घणो जोर दिओ ह।
(क) चमत्कार: ईसु का ताजूबभर्या कामानै चमत्कार सब्दऊँ बतायो जावै ह। यहून्ना ईसु का सात चमत्कारानै टाळ्यो ह, जामैऊँ हर म एक खास संदेसो ह।
1. पाणीनै अँगूरी बणाबो–जखो आ दिखावै क रूप प ईसु को अधिकार ह।
2. सरकारी मिनख का बेटा को रोग हर्यो–आ बात दूरी प ईसु का अधिकारनै दरसावै ह।
3. अड़तीस बरस का रोगनै हरबो–आ बात टेम प ईसु का अधिकारनै दरसावै ह।
4. पाच झार मिनखा को पेट भर्यो–आ बात मातरा प ईसु का अधिकारनै दरसावै ह।
5. पाणी प चालबो–आ बात कुदरत प ईसु का अधिकारनै दरसावै ह।
6. आँदानै आँख दि–आ बात पिड़ा, दुख अर कमजोरी प ईसु का अधिकारनै दरसावै ह।
7. लाजरनै जीवाबो–आ बात मोत प ईसु का अधिकारनै दरसावै ह।
(ख) बिस्वास: इ पोथी म “बिस्वास” सब्द अठ्याणमै बार आयो ह। ओ खास तोर प ईसु क बेली लोगा को काँई भिवार ह इ बातनै दरसाबा ताँई होयो ह। ईसु प बिस्वास करबाळा बिका चेला बणगा अर जखा बिपै बिस्वास कोनी कर्या बे बिका बिरोदि बण्या।
(ग) जीवन: ओ सब्द ईसु प बिस्वास करबा का नतिजानै दिखावै ह। जीवन पाबा को मतबल ओ ह की परबु ईसु को होज्याणो, माना तो नया जलम क जरिए बिका परिवार म जलम लेणो। ओ ईस्बर को सुभाव ह जखो एक बिस्वासीनै दिओ जावै ह। ईसु मसी निकेदेमुस फरिसीऊँ बोल्यो “जद ताँई कोई नयो जलम नइ ले बो परमेसर का राजनै कोनी देख सकै।” (3:3) इ जीवननै अजर-अमर को जीवन बोल्यो गयो ह। (3:15)
रूपरेखा
1. परस्तावना: परमेसर का बेटा को आबो, (1:1–18)
2. परमेसर क बेटा का परहित काम, (1:19—12:50)
3. परमेसर का बेटा की आपका चेला की सेवा, (13:1—17:26)
4. दुख भोग्बा की परमेसर का बेटा की आखरी सेवा, (18:1—20:31)
5. उपसंहार: परमेसर का बेटा की आखरी आज्ञा, (21:1–25)
Atualmente Selecionado:
यहून्ना जाणकारी: एस डब्लु वी
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
(c) 2010-2017, New Life Computer Institute. All rights reserved