काम 1

सरूआती बाता

1 # लूक 1:1–4 प्यारा थियूफिलूस, म मेरी पेलड़ी पोथी#1:1 पेलड़ी पोथी आ पोथी, ईसु मसी क बारां म लूका क हाता मंडेड़ो चोखो समचार ह। म बे सगळी बाता मांडी, जानै ईसु बि दिनऊँ करतो अर बानै सीखातो आयो जि दिनऊँ बो आपको सेवा को काम चालू कर 2ईस्बर नगरी म उठाया जाबाऊँ पेली बो पबितर आत्मा की सक्‍तिऊँ खुदका ग्यारा भेजेड़ा चेलानै जानै बो टाळ्या बानै काँई-काँई करबो ह , बा कामा को हुकम दिओ। 3बिकै सुळी प दुख भोगर मरबा क पाछै, बो बोळा पुक्‍ता सबूत देर खुदनै मरेड़ा मऊँ जिंदो साबित कर्यो, अर बो चाळिस दिना ताँई बानै दिखतो रिह्यो अर बाऊँ परमेसर का राज क बारां म बतळातो रिह्यो। 4#लूक 24:49एक खास मोका प जद बे बिकै सागै जिमर्या हा जणा ईसु बानै हुकम दिओ, “थे यरूसलेम क बारनै पग मना धरज्यो, पण जि बरदान क बारां म थे मेरा मुंडाऊँ सुण्या हो बिकी बाट जोता रेहज्यो क्युं क बि बात को करार परम-पिता कर्यो ह। 5#मत्त 3:11; मर 1:8; लूक 3:16; यह 1:33अर यहून्ना तो पाणी को बतिस्मो दिआ करतो हो, पण आबाळा दिना म थानै पबितर आत्मा को बतिस्मो मिलसी।”

ईसु को ईस्बर नगरी म उठायो जाबो

6बे भेळा होर बिऊँ बुज्या, “परबु, के तू इ टेमई इजरायली मिनखानै राज पाछो देसी?” 7जणा बो बोल्यो, “बि दिन अर बि घड़ीनै जाणबा को काम थारो कोनी, क्युं क बा परम-पिता का हक तळै ह। 8#मत्त 28:19; मर 16:15; लूक 24:47,48पण जद पबितर आत्मा थानै मिलसी जणा थारै म परमेसर की सक्‍ति आज्यासी अर थे यरूसलेम, सगळा यहूदिआ, सामरीया का इलाका अर धरती का इ कूणाऊँ बि कूणा ताँई मेरा गुवा होस्यो।” 9#मर 16:19; लूक 24:50,51आ खेर बो बाकै देखता-देखताई ईस्बर नगरी म उठा लिओ गयो अर एक बादळी बिनै ढक लिनी। 10अर बे बिनै जातानै एकटोर आसमान कानि देखर्या हा जणा अत्ता मई दो मिनख एकदम धोळा गाबा म बाकन आर खड़्या होगा। 11अर बाऊँ बोल्या, “अरै गलिली मिनखो, खड़्या-खड़्या आसमान म काँई देखर्या हो? ओ ईसु जिनै थारै मऊँ ईस्बर नगरी म उठायो गयो ह ओ जंय्यां गयो ह बंय्यांई पाछो आसी।”

यहूदा को ओदो मत्तीयानै मिलबो

12जणा पाछै बे जेतून डूँगरी पऊँ जखी यरूसलेमऊँ करीब आदेक कोस परै ही, बठैऊँ ओटा यरूसलेम आया, 13#मत्त 10:2–4; मर 3:16–19; लूक 6:14–16अर बठै पुगताई बे उपला चोबारा म चलेगा, जठै पतरस, यहून्ना, याकूब, अंदरिआस, फलिपूस, थोमा, बरतुल्मै, मत्ती, हलफई को छोरो याकूब, देस भगत समोन अर याकूब को छोरो यहूदा रेह्ता हा। 14अर आकै सागै क्युंक लूगाया बी ही, अ सगळा एक चित होर अरदास करबा म लाग्या रेह्ता हा। बामै ईसु की माँ मरीयम अर बिको भाई बी हो। 15जणा पाछै बा दिना म पतरस बा बिस्वासी भाई-भाणा म खड़्यो होर बोल्यो जखा गिणत-माणत का एक सो बिस हा, 16“मेरा यहूदि भाई-भाणो पबितर सास्तर को लेख जखो यहूदा (जखो ईसुनै पकड़बाळा की मदद करी ही) क बारां म मंडेड़ो ह, जिनै बोळी पेल्या पबितर आत्मा दाऊद क मुंडा होर बोल्यो हो, बो तो पूरो होणोई हो। 17बो आपणा मालोई हो, अर इ सेवा म बिको बी हिस्सो हो। 18#मत्त 27:3–8बो आपकी पाप की कमाईऊँ एक खेत मोल लिओ, अर बो सीरवाणी पड़्यो जिऊँ बिकी काया पाटगी अर बिका सगळा आंतड़ा-ओजड़ा बारनै आ पड़्या। 19इ बात को बेरो सगळी यरूसलेम नगरीनै पड़्यो। जणाई तो बाकी बोली म बि खेत को नाम हकलदमा पड़्यो जिको मतबल ‘लोय को खेत होवै ह।’ 20अर भजना की पोथी म अंय्यां मंडर्यो ह,

‘बिको घर उजड़ जावै, अर बिमै कोई कोनी बसै।’ अर अंय्यां बी मंडर्यो ह की ‘बिको ओदो कोई दुसरो लेले।’

21-22 # मत्त 3:16; मर 1:9; लूक 3:21; मर 16:19; लूक 24:51 “जणा आ जरूरी ह क, जद ईसु आपणै सागै हो अर बि टेम जखा सदाई आपणै सागै रेह्ता हा बा दिना म, यहून्ना पाणी को बतिस्मो देबो चालू कर्यो हो, बि दिनऊँ लेर ईसुनै आपणा मऊँ ईस्बर नगरी म उठाया जाबा का दिन ताँई बामैऊँ आपानै एक जणो गुवा होबा ताँई टाळ लेणो चाए।” 23जणा बे दो जणानै खड़्या कर्या, जामैऊँ एक युसूफ हो जिनै बरसबा खेता हा, जिको दुसरो नाम यूसतुस हो, दुसरो जणो मत्तीया हो, 24अर बे आ खेर अरदास करबा लागगा क, “परबु थे सगळा का हियानै जाणो हो थे म्हानै बताओ क थे आ दोन्या मऊँ किनै टाळ्या हो। 25जिऊँ बो थारी सेवा करबा ताँई इ भेजेड़ा चेला का ओदानै ले सकै, जिनै यहूदा छोडर जि झघा जोगो हो बठैई चलेगो।” 26जणा बे बा दोन्या क बारां म परची गेरी अर परची मत्तीया क नाम प खुली जिकै पाछै बो बा ग्यारा भेजेड़ा चेला म गिण्यो गयो।

Atualmente Selecionado:

काम 1: एस डब्लु वी

Destaque

Copiar