SAKALIA 11
11
Ko te Malaia o Pule Saua
1Lepanona, tala mai ou mataloa
Ke oko atu te afi o sunu ou alasi!#11.1 lakau ko alasi: A lakau ka fakaaoga i konei e pela me ne fakailoga o te atufenua malosi, io me ko olotou tupu.
2Tagi koutou lakau ko pelosi;
A alasi ko oti ne siga;
A lakau gali kona ko oti ne fakama'sei!
Tagi foki koutou oka o Pasana, i te vao matua ko oti ne kati ki lalo!
3A takitaki ko tagi i te fanoanoa;
Te lotou manuia ko galo atu!
Fakalogo aka ki te tagi o leona;
I te lotou koga nofo i te Iolitana
Ko oti ne fakamasei!
Ko Tausi Mamoe e Tokolua
4Ne faipati mai te Aliki toku Atua ki a au penei, “Fano ke fai koe e pela me se tausi mamoe#11.4 tausi mamoe: Te takitaki mamoe e fakaaoga i konei e pela me se fakailoga o te tupu io me se takitaki, kae ko te mamoe e pela me ko fakatusa o ana tino io me ko tino e tautali i a ia. o se lafu mamoe kola ka ave o 'ta. 5Ka tamate latou ne olotou pule, kae ka seai se fakasalaga e oko ki olotou pule. E togi atu ne latou a kano o mamoe kae fai olotou muna penei, ‘Ke vikia te Aliki! Matou ko mau'mea!’ Ke oko foki eiloa ki olotou tausi mamoe ko se a'lofa ki a latou.”
6(Muna a te Aliki, “Ka se toe alofa au ki se tino i te lalolagi. Ka tuku atu ne au a tino katoa ki te malosi o olotou takitaki. Ka fakamasei ne takitaki kona a te lalolagi, kae ka se fakasao eiloa ne au mai te lotou malosi.”)
7A latou kola ne togi ne latou a mamoe, kae toe fakatau atu, ne puke ne latou a au ke fai mo tausi mamoe o te lafu tela ka ave o tamate. Ne puke aka ne au a lakau e lua: tasi te lakau ne fakaigoa ne au ko te “Alofa,” ka ko te sua lakau ne fakaigoa ne au ko “Loto Tasi.” Tena, tausi ei ne au a te lafu mamoe. 8Ne kaitaua au ki tausi mamoe e tokotolu, kola e se fia'fia ki a au, tela ne faka'tea katoa ne au a latou i te masina e tasi. 9Tena ne fai atu ei au ki te lafu mamoe penei, “Ka se toe fai au mo tausi mamoe o koutou. A latou kola e fai o mate ke mate. A latou kola e fai o ta fakapalelegina ke ta fakapalele atu. Ka ko latou e toe, ka fakatau 'ta eiloa latou i a latou.” 10Tena ne puke aka ei ne au a te lakau tela e igoa ki a “Alofa” kae fati, ko te sologa tena o te feagaiga ne fai ne te Aliki mo malo katoa. 11Tena ne masolo ei te feagaiga i te aso tena. A tino kola ne togi mai kae toe togi atu a mamoe, ne kilokilo mai ki a au, kae lagona ne latou me i te Aliki e faipati atu ki a latou i mea kola ne fai ne au. 12#Mata 27.9,10#Mata 26.15 Ne fai atu au ki a latou penei, “Kafai e lotoma'lie koutou, tuku mai toku togi, kae kafai se lotoma'lie koutou, ko tausi ei ma koutou.” Tena ne togi mai ei ne latou a au ki te tolusefulu siliva.
13Muna a te Aliki ki a au, “Tuku ki loto i te koga teu koloa i te Faletapu.” #11.13 I naai lomiga taumua Tuku ki loto i te koga teu koloa o te Faletapu; faka-EpeluAve ki te tufuga faite mea ki one. Tena ne puke aka ei ne au a te tolusefulu siliva, te aofaki lasi eiloa tela ne mafaufau latou me e tau ki a au, tuku ei ne au ki loto i te koga teu koloa i te Faletapu. 14Oti aka, toe fati ei ne au a te lua o lakau tela e igoa ko “Loto Tasi,” ko Iuta eiloa mo Isalaelu ko ma'vae.
15Tena, muna a te Aliki ki a au penei, “Toe fano ke fai koe e pela me se tausi mamoe; i te taimi nei, fai pela me se tausi mamoe e seai se aoga. 16E isi se tausi mamoe tela ko oti ne tuku ne au ke pule i taku lafu, kae e se fesoasoani eiloa ki mamoe kola ka fai ke tamate; e se salasala aka foki ki mamoe galo, io me fakatogafiti atu a mamoe kola e pa'kia, io me fagai atu a mamoe kola koi toe mai. Kae tela la, e kai fua ne ia a kano o mamoe putaputa, kae saesae keatea olotou alofivae. 17A te tausi mamoe masei tena ka malaia! Ko oti ne tiaki ne ia tena lafu. Ka solo faka'ma tena malosi i te taimi o te taua. A tena lima ka se aoga, ka ko tena mata fakaatamai ka kivi.”
Atualmente Selecionado:
SAKALIA 11: Tusi Tapu
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Tuvalu Revised Bible © Bible Society in the South Pacific