Cäk 5
5
Käu de Adam
(1 Lëk 1:1-4)
1 #
Cäk 1:27,28. Kënë ee kuën de käu de Adam. Ɣɔn ciɛk ë Nhialic kɔc, aake ciɛk ke ke thöŋ rɔt. 2#Math 19:4; Mak 10:6. Aa cak moc kekë tik, ku thieei keek, ku ciëk keek an, “Raan.” 3Ɣɔn cï run ke Adam aa bɔt ku thiërdiäk, ke dhiëth mɛwä kït guöp ke yen, go cäk rin an Theth. 4Ku ëtɛ̈ɛ̈n, Adam acï bot kabɛ̈t kɔ̈k ke run bɛ̈n lɔ̈ɔ̈k thöl ke pïïr. Go mïth kɔ̈k dhiëëth, mïthwät ku duet. 5Ku jɔ thou ke runke ë ke cï ya bot kadhoŋuan ku thiërdiäk.
6Ɣɔn cï run ke Theth aa bɔt ku dhïc, ke dhiëth mɛwä, go cäk an Eenoc. 7Ku be bot kabɛ̈t ku dhorou ë run thöl ke pïïr. Go mïth kɔ̈k bɛ dhiëëth, mïthwät ku duet. 8Ku run ke Theth aake ye bot kadhoŋuan ku thiëër ku rou, ku jɔ bɛ̈n thou.
9Ɣɔn cï run ke Eenoc aa thiërdhoŋuan, ke dhiëth wëndɛn Kanaan. 10Ku Eenoc ë bot kabɛ̈t ku thiëër ku dhïc ë run bɛ̈n bɛ thöl ke pïïr. Go mïth kɔ̈k dhiëëth, mïthwät ku duet. 11Ku jɔ bɛ̈n thou ke runke ë ke cï ya bot kadhoŋuan ku dhïc.
12Ɣɔn cï run ke Kanaan aa thiërdhorou, ke dhiëth wëndɛn Maɣalalel. 13Ku be rëër në bot kɔ̈k kabɛ̈t ku thiërŋuan ë run, go mïth kɔ̈k dhiëëth, mïthwät ku duet. 14Ku jɔ bɛ̈n thou ke runke ë ke cï ya bot kadhoŋuan ku thiëër.
15Ku ɣɔn cï run ke Maɣalalel aa thiërdhetem ku dhïc, ke dhiëth wëndɛn Jared. 16Ku Maɣalalel ë bot kabɛ̈t ë run ku thiërdiäk bɛ̈n lɔ̈ɔ̈k thöl ke pïïr. Go mïth kɔ̈k dhiëëth, mïthwät ku duet, 17ku jɔ bɛ̈n thou ke ye run bot kabɛ̈t ku thiërdhoŋuan ku dhïc.
18Ɣɔn cï run ke Jared aa bɔt ku thiërdhetem ku rou, ke dhiëth wëndɛn Eenok. 19Ku be bot kabɛ̈t ë run thöl, go mïth kɔ̈k dhiëëth, mïthwät ku duet. 20Ku jɔ thou ke cï run aa bot kadhoŋuan ku thiërdhetem ku rou.
21Ɣɔn cï run ke Eenok aa thiërdhetem ku dhïc, ke dhiëth wëndɛn Mathuthela. 22Ku ëtɛ̈ɛ̈n, Eenok ë kake Nhialic piɔ̈u bɛ̈n aa looi në bot kadiäk ë run. Go mïth kɔ̈k bɛ dhiëëth, mïthwät ku duet. 23Run ke Eenok aake cï ya bot kadiäk ku thiërdhetem ku dhïc. 24#Ɣeb 11:5; Jud 14. Aa thöl pïïrde ke luui Nhialic, go lɔ cut piny mɛ̈ɛ̈r, në luɔi ë cï Nhialic ye jɔt.
25Ɣɔn cï run ke Mathuthela aa bɔt ku thiërbɛ̈t ku dhorou, ke dhiëth wëndɛn Lamek. 26Ku jɔ Mathuthela bɛ tɔ̈u në bot kadhorou ë run ku thiërbɛ̈t ku rou. Go mïth kɔ̈k bɛ dhiëëth, mïthwät ku duet. 27Ku jɔ Mathuthela thou ke runke ë ke cï ya bot kadhoŋuan ku thiërdhetem ku dhoŋuan.
28Ɣɔn cï run ke Lamek aa bɔt ku thiërbɛ̈t ku rou, ke dhiëth mɛwä. 29Go lueel an, “Në ee piny man wään cï Bɛ̈nydït cieen nɔmë, mɛnhë abï wo jɔ dak nïïm në pïïric, në karɛckuɔn cuk looi.” Ku jɔ cäk rin an Nowa.#5:29: Nowa: Rinkë cɔ̈tden në thoŋ de Ɣeberuu acït “kuɔɔny.” 30Go Lamek bot kadhïc ku thiërdhoŋuan ku dhïc de run bɛ lɔ̈ɔ̈k thöl. Go mïth kɔ̈k dhiëëth, mïthwät ku duet. 31Ku jɔ bɛ̈n thou ke runke ë ke cï ya bot kadhorou ku thiërdhorou ku dhorou.
32Ɣɔn cï run ke Nowa aa bot kadhïc, ke jɔ wɛ̈ɛ̈tke dhiëëth kadiäk, Cem kekë Ɣam ku Japeth.
Atualmente Selecionado:
Cäk 5: dip-JPB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
The Bible in Jieeng de Padang © The Bible Society in South Sudan, 2011.