ማዢንቲ ማፃኣፔ 2
2
1ጫሪንጮና ሳዖና፤ ሃሣ ዔያቶይዳ ዓኣ ባኮኮ ቢያ ማዢንቲፃ ያዒዲ ጋፔኔ።
2ፆኦሲ ላሃሳ ኬሎና ማዾ ቢያ ጋፒሲ ላንካሳ ኬሎ ማዾ ሃሼኔ። #ዔብ. 4፡4፤ 10። 3ፆኦሲ ማዢፆ ማዾ ቢያ ሃሼ ኬላ ዒማና ማዔሢሮ ላንካሳ ኬሎ ዓንጂ ዱማሴኔ። #ኬሲ. ማፃ 20፡11። 4ዬያሮ ጫሪንጮና ሳዖና ዔኤቢ ባኣያይዳፓ ማዢንቴ ዎዶና ማዢንቶ ሃይሳ ያዺኬ።
ፆኦሲ ዓቲንቄና ላኣሊና ማዤሢ
ናንጊና ናንጋ ጎዳ ማዔ ፆኦሲ ጫሪንጮና ሳዖና ማዤ ዎዶና፦ 5ሳዖይዳ ዒርዚ ዋርቂሲባኣያ ማዔም፤ ሃሣ ሳዖዋ ጎሽካ ዓሲ ባኣሢሮ ሳዖይዳ ፔቴታዖ ባቃሊ ዓኣ ባኣዚ ባኣሴ፤ 6ያዒ ማዔቶዋ ሳዖይዳፓ ቱሮ ዓልቃ ዋኣሢ ፃኣዾ ሳዖ ቢያ ዑሻኔ።
7ዬካፓ ናንጊና ናንጋ ጎዳ ማዔ ፆኦሲ ሳዖ ዓጮይዳፓ ዔኪ ዓሲ ዓጪና ማዤኔ፤ ሲኢዾና ናንጊ ዒንጋ ዑኡሲ ዑኡዜኔ፤ ዓሲያ ሼምፖና ናንጋ ማዢንቲ ማዔኔ። #1ቆሮ. 15፡45።
8ናንጊና ናንጋ ጎዳ ማዔ ፆኦሲ ዓቦኮ ኬዞ ዛሎና ዔዴኔ ጌይንታ ኮሺ ቤሲ፥ ዱማ ዱማ ባቃላ ሚሢ ዓኣ ቤሲ ማሂ ኮሼኔ፤ ዒዚ ማዤ ዓሢያ ዒኢካ ጌሤኔ። 9ዬኖ ቤዜሎይዳ ዛጋዛ ዎዛሳያና ዓሲም ሙኡዚ ማዓንዳ ዱማ ዱማ ሚሢ ባቃላንዳጉዲ ማሄኔ፤ ጊንሣ ዬያ ዱማ ዱማ ባቃሌ ሚፆኮ ባኣኮይዳ ናንጊ ዒንጋ ሚሢ ዓኣኔ፤ ዬያጉዴያ ሃሣ ኮዦ ፑርታይዳፓ ዱማሳንዳጉዲ ማሃ፥ ዔራቶ ዒንጋ ሜሌ ሚሢያ ዒኢካ ዓኣኔ። #ዮሃ. ፆፔዻ 2፡7፤ 22፡2፤ 14።
10ዬኖ ዱማ ዱማ ሚፃ ባቃሌ ቤዜሎ ዑሻ ዼኤፒ ዓልቃ ዎርዚ ዔዴኔ ጌይንታ ቤዛፓ ዎታኔ፤ ዬይ ዎራሢ ዔዴኔይዳፓ ኬስካዖ ዖይዶ ማዒ ፓቂንታኔ። 11ቤርታሳ ዎራሢ ፒሾኔ ጌይንታኔ፤ ዬይያ ዎርቄ ጴዻያ፥ ሃዊላ ጌይንታ ዓጮ ቢያ ሺሪ ዴንዳኔ፤ 12ዬኖ ዓጮ ዎርቃ ጌኤሺኬ፤ ሃሣ ዒዞ ዓጮይዳ ሜሌ ቤስካ ጴዹዋ ሳውቃ ሚሢ ማኣሢንታ ሚርጌ ሚዛጲ ማዔ ዱማ ዱማ ባኣዚ ማይሊ ኮሺም ማዓ ሹቺያ ዒኢካ ዓኣኔ። 13ላምዓሳ ዎራሢ ጊዮኔ ጌይንታኔ፤ ዬይያ ዒቶጲያ ዓጮኮ ዙሎና ሺሪ ዓኣዻኔ። 14ሃይሣሳ ዎራሢ ፄግሮሴ ጌይንታኔ፤ ዬይያ ዓሶኦሬ ጌይንታ ዓጮኮ ዓባ ኬስካ ዛሎና ዓኣዻኔ፤ ዖይዳሳ ዎራሢያ ዔፒራፂሴ ጌይንታያኬ።
15ዬካፓ ናንጊና ናንጋ ጎዳ ማዔ ፆኦሲ ዓሲ ዔዴኔይዳ ጌሤኔ፤ ዬያ ዒዚ ማዼሢ ዓሲ ዬኖ ዱማ ዱማ ሚፃ ባቃላ ቤዜሎ ጎሽኪ ሚፆዋ ሚዛጲሲ ካፓንዳጉዲኬ። 16ናንጊና ናንጋ ጎዳ ማዔ ፆኦሲ፦ «ዱማ ዱማ ሚፃ ባቃላ ቤዞይዳ ዓኣ ሚፆኮ ዓኣፖ ኔኤኒ ሙዓኒ ዳንዳዓኔ፤ 17ጋዓንቴ ኮዦ ፑርታፓ ዱማሳንዳጉዲ ማሃ ዔራቶ ዒንጋ ሚፄሎ ዓኣፖይዳፓ ሙዒፖ፤ ዓይጎሮ ጌዔቶ ዬኖ ሚፄሎ ዓኣፖይዳፓ ኔኤኒ ሙዔ ዎዶና ሃይቃንዳሢ ኔና ዔሬ» ጌዒ ዓሢም ኬኤዜኔ።
18ሄሊሳዖ ናንጊና ናንጋ ጎዳ ማዔ ፆኦሲ፦ «ዓሢ ፔኤሮ ናንጋሢ ኮሺቱዋሴ፤ ዬያሮ ዒዛና ጊኢጋያ፥ ሃሣ ዒዛ ማኣዳንዳያ ላጌ ታኣኒ ማዣንዳኔ» ጌዔኔ።
19ናንጊና ናንጋ ጎዳ ማዔ ፆኦሲ ሳዖ ዓጮይዳፓ ዔኪ ካዮ ቦዖንታ፥ ቆሎንታ፥ ካፖንታ ቢያ ማዤኔ፤ ዎዚ ጋዓ ሱንሢ ዒዚ ዔያቶም ጌሣንዳቴያ ዛጋኒ ዓሢ ኮራ ዔኪ ዬዔኔ፤ ዓሢ ቶኦካ ቶኦካ ሼምፖና ዓኣ ማዢንቶም ጌሤ ሱንፃ ፔቴ ፔቴሢም ዔኤሊንቶያ ማዔኔ። 20ዬያይዲ ዓሢ ቆሎንታ ካፖንታ ቦዖንታም ቢያ ሱንሢ ጌሤኔ። ዓሢም ጋዓንቴ ዒማና ጊኢጋያና ላጌ ማዒ ዒዛ ማኣዳያ ሃጊ ጴዺባኣሴ።
21ናንጊና ናንጋ ጎዳ ማዔ ፆኦሲ ዓሢ #2፡21 ዓሢ ጌይፃ ዔብሬ ዓሶ ሙኡቺና «ዓዳኣሜ» ጌይሢኬ። ሃሃይቄጉዲ ጊንዒሼኔ፤ ዬካፓ ዒዚ ጊንዒ ዓኣንቴ ጎኦቦ ባራንፃፓ ፔቴ ሜጌሢ ዔኪ ቤዞ ዓሽኪና ኩንሢ ፓፂሴኔ፤ 22ናንጊና ናንጋ ጎዳ ማዔ ፆኦሲ ዓሢኮ ጎኦባፓ ዔኬ ባራንፆ ሜጌፄሎ ላኣሊ ማሂ ማዢ፥ ዓሢ ኮራ ዔኪ ሙኬኔ። 23ዓሢ ዒማና፦
«ሃይሾ ጋፒንፆይዳ ታኣኒ ታና ማላያ ዴንቄኔ፤
ዒዛ ታኣኮ ሜጌፃፓ ጴዼ ሜጌሢኬ፤
ታኣኮ ዓሽኮይዳፓ ጴዼ ዓሽኪኬ፤
ዓቲንቄፓ ጴዼያ ዒዛ ማዔሢሮ ‹ላኣሊ› #2፡23 ላኣሊዔብሬ ዓሶ ሙኡቺና «ዒሽ» ጌይሢ ዓቲንቄ ጌይሢ ማዓዛ፥ «ዒሻ» ጌይፃ ላኣሊኬ። ጌይንቶንጎ» ጌዔኔ።
24ዓቲንቄ ዓዶና ዒንዶና ሃሺ ማቾና ዎላ ማዓሢ ዬያሮኬ፤ ላምዖንሢያ ፔቴ ማዓኔ። #ማቲ. 19፡5፤ ማር. 10፡7-8፤ 1ቆሮ. 6፡16፤ ዔፕ. 5፡31።
25ዓሢና ማቾና ዔያቶኮ ዑፃ ካሎታንቴ ዎሊ ሴልቂ ዒጊጩዋሴ።
Atualmente Selecionado:
ማዢንቲ ማፃኣፔ 2: ጌኤ.ማፃ
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Maale Full Bible © 2008 by The Word for the World International and The Bible Society of Ethiopia, 2008.
