Kabavelamu 7
7
Wayaqata ivelamu
1Matautauda Iave Noa ivoneni ivo, “Komu ayagovimu kaiseotoqimu tomo'otoqa waidie'eqa pwayepwayeye giamaiotoqimu beqa komu memususuvo waga waineye kwadodoqa. 2We no kaisayanidiavo sulidi sulidi giamaidi, kabavelomu paipaina atagwanedi, kukewadi kadiyoko lamoqidiavo 7 memwanediavo. We no kaisayanidiavo sulidi sulidi kabavelomu ge kadilaubwaina waidie'eqa tamoqana lamoqina wete tamoqana vavinena kukewadi. 3We wete tupwaidiavo manuqa sulidi sulidi iyaveyaveqa—lamoqidiavo 7 memwanediavo kukewadi. Dede mesaida kuvalabubunedi paina kaisaya wete manuqa tamoqana tamoqana meyawaidi inamiamia pwayapwaya waineye. 4Kaiata 7 inakakava aivekwei inakweikwei pwayepwayeye kaiata 40 wete lovana 40 naqedie, beqa yoqoyoqo puena avalabubunidi pwayepwayeye aikavekapoidi.”
5Beqa Noa vakai puepuena mesaida Iave ivesipupuyedi waineye ivalabubunidi.
17We wayaqata italatalaqa pwayepwayeye kaiata 40 naqedie. Bwasi tageyoi-otoqa iula waga iulalagai ikapueni pwayapwaya ikiaweni ilaga-otoqa.
23We Iave vakai puepuena meyawaidi ikavekapoidi pwayapwaya tabwaneye. Tomo'otoqa puedi, kaisaya bwaigidi, gumanidiavo daledaledi, yaveyaveqidi puepuedi iwapa. We kaia Noa menasusuvo, kaisayanidiavo, manuqanidiavo wete yoqoyoqo puedi taiauda wageye idodoqa gumanidiavo meyawaidi imiamia.
Atualmente Selecionado:
Kabavelamu 7: mzz
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2023 (Active), Wycliffe Bible Translators, Inc. All rights reserved.
