Matthew 2:12-13

Nga anubanila-wala, wurru-yaay, wurru-wuryarrangi. Nga na-God wani-magaa warruburru-yung, “Yagi nurraagi marri nuunu-yambi na-Herod,” ni-yamayn. Wubanila-wala aḏaba amaaynbaj-baj amaadi wurru-yanggi, wugurri-nyinyung-guy ana-lhal. Wurru-yanggi-wala warruburru-yung warra-runggu-runggal, warraa-janggi-wala, ana-angel na-Buunggawa-yinyung wu-yanggi aḏaba nga bagu na-Joseph-duj. Ni-yaay, ni-wuryarrangi aḏaba naagi-yung. Nga wu-yamayn, “Ba-ḻaḻagiiyn, marri numburru-yarramang yuuguni Egypt-guy, nagang marri na-wirrinyung marri nga-rriibi-yung. Numburru-burraa bagu nga wurrugu wa-yamijgang nagang, marri numburraagiyn anubagala ngijang. Yagu yamba na-Herod naagi anaagalhaga-lharrmani, anuumana yungguyung,” wu-yamayn ana-angel.