Fíĉilum 10
10
Gabugor Nóe
1No báyuer mal mamu bámah babu búgat me, úᵽur Nóe gaamme Sem, Ham ni Yafet, n’gubuh úᵽur. Gabugoril uge :
2Uᵽúr Yafet bugo guomme Gomer, Magog, Madai, Yavan, Tubal, Meĉeh ni Tiras. 3Gomer nabuh Aĉikenas, Rifat ni Togaruma ; 4Yavan o abuh me Eliĉa, Tarisis, ni may bugaa Kit ni bugaa Rodan. 5Gabugor Yavan go guvisor me iki guĉin galam fal fámah ; n’gúfaculor fiil-fiil ésuh fo, mof fo ni gúlobum yo gúbuli.
6Uᵽúr Ham bugo guomme Kuĉ, Misiraim, Put ni Kanaan. 7Kuĉ nabuh Seba, Havila, Sabuta, Raguma ni Sabuteka ; Raguma úᵽurol bugo guomme Ĉeba ni Dedan.
8Kuĉ nabuh may ace áᵽur gajaol Nimurod. Nimurod ahumu o aamme atiga ámah átiar ni mof. 9Náni ᵽoᵽ asaa ámah bújoŋor Atúla. Yo eĉil me bi jama nihi guoh : « Hari nakakan asaa ámah bújoŋor Atúla ti Nimurod. » 10Súsuh sítinar saa ni fívietol so suomme Babel, Erek, Akad ni Kalune, so ᵽe ni mof mamu maa Ĉinear. 11Náᵽur bo atos bi ni mof mice gajow mo Aĉur. Bo naju me súsuh sasu saa Niniv, Rehobot, Kelah, 12ni Resen, yaamme n’etut Niniv ni ésuh yay yámah yay yaa Kelah.
13Misiraim o aamme ᵽay afan ala bugaa Lud, Anam, Lehab, Nafutuh, 14Paturos, Kasuluh ni Kafutor ; bugaa Kasuluh bugo guomme sipay gufan bugaa Ᵽilisit.
15Kanaan nabuh Sidoŋ, aamme afamma, ni Hit ; 16Kanaan o aamme may ᵽay afan bugaa Yébus, Amor, Girigaĉ, 17Hiw, Aruk, Sin, 18Aruwad, Semar ni Hamat. Bugaa Kanaan gabugoril n’gummeŋ guban babu ᵽe, 19ettamil neuŋ újogum Sidoŋ bi Gasa mbaa Gerar ; yo ejow me bi Sodom, Gomora, Aduma, Seboim bi bo Leĉa.
20Dáuru ᵽe gabugor Ham gúfaculor me fiil-fiil ésuh fo, mof fo ni gúlobum yo gúbuli.
21Sem, ati Yafet, nabuh may úᵽur. Ban Sem o aamme ᵽay afan ala Eber ni gabulakenol ᵽe. 22Uᵽúrol bugo guomme Elam, Aĉur, Arupahad, Lud ni Aram. 23Aram úᵽurol bugo guomme Us, Hul, Geter ni Maĉ. 24Arupahad o abuh me Ĉela abuh me Eber. 25Eber ahumu nabaj úᵽur gúuba : átiar gajaol Peleg (dóemme "éfaculor"), mata no naamme m’buroŋ, gaĉin me n’ettam yay gúfaculorfaculor. Atiol gajaol Yokutan, 26o abuh me Alumodad, Ĉelef, Hasarumavet, Yerah, 27Hadoram, Usal, Dikila, 28Obal, Abimael, Ĉeba, 29Ofir, Havila ni Yobab. Dáuru ᵽe gabugor Yokutan. 30Bugo guĉin me n’etut Meĉa ni mof mamu maa gurijaŋ gagu gaa Sefar, galam bo tinah túᵽureul me.
31Dáuru ñer gabugor Sem. Bugo may n’gúfaculor fiil-fiil ésuh fo, mof fo ni gúlobum yo gúbuli.
32Gaᵽin gabugor úᵽur Nóe, ésuh-ésuh bi ni fiil-fiil, tale guree. Guil gaugu, ni go bugan bugagu ᵽe gaĉin me ni mof gúᵽullo me, no báyuer mal mamu bámah babu búgat me.
Atualmente Selecionado:
Fíĉilum 10: bqjDBL2
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Wycliffe Bible Translators, Inc. All rights reserved.
