Filipai Hasia nedebo tau sabo po
Hasia nedebo tau sabo po
Te bidi Pol polobadu hasia sogo te tamu ąį nogelama, te bulu Grik moni tǫ pedai tomoba pelama, tama te Filipai moni hanuba sabolama, tama tede Kraisgo po pusa mani. Tama elama tama Kraisgo po wali pabo we bidi hani pedalali, te bulu Masedonia genuai tǫ pedaide dao. Te po da te buku nogi Tagala Palai te Dąį 16:8-15, tede elalubo suao. Tama nosali Pol gasa hanuba me bidigi pai elalubadi, te augwaligo aga kalabus hadabu ilali. Te aga kalabuside bidali sogo agai odali, te bidi mebago te Filipaide bidibo Godigo po wali pabo we bidigo konealubo homu dolobo po wabo odali. Tialima dago te pas Polgo asęnama te bulu Filipai haniba tolali pas nedebo sogo da, dago suali, te nai dabego te bidi Pol haliga sęgę yabo sę me ilibeo. Menio. Agai konealubo homu Jisasde mu kęą pelama elalu, tama aga homu pemene idu bidai dao.
Te Pol aga te kalabus bede bidibadi te mone me doado bage habuge yai elalubo po obaso, tama te Filipai bage augwaligo te Pol tau sabo mone ge sisinama, tama te bidi Epafroditus aga nogoba te mone munama tama Pol bidibo digiba tagala palali. Tama Epafroditus te Filipai buluba geasa ma pobaso, Polgo augwalibolo puba hwi po omainogo eyu, e pas asęnama tama agabolo mani. Polgo te Kraisgo po wali pabo we bidi homu bomo mabo po asęani. Te Juda dabego bomai po dologoba pigio wali. Agai te dene me sęgę dali elalubao, tiali goli aga dwagi yai homu pemene eyu bidibao. Aga homugo Godigo aga tau siyu tama aga kalabus tamadi silaibao.
Atualmente Selecionado:
Filipai Hasia nedebo tau sabo po: mps
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© 2002, Wycliffe Bible Translators, Inc. All rights reserved.