Ninge 5
5
A nianga tupas no tunotuno nong i kure ira ut na ninge: da hus ira tulaal ing da inge iakan ra ninge. Devit ga pit ie.
1Hadade ira nugu nianga, Watong,
ma nu lik leh mah ira nugu tamat na tinirih ing pai tale bia ni hapupuo ma ra nianga.
2Hatarame ira nugu tintaau wara harharahut,
nugu King ma nugu God, kanong iau sasaring tupas ugu.
3 #
Nng 88.13
Watong, u hadade no ingagu ra malaan.
Ra malaan iau bul hawaat ira nugu sinasaring tar taam
ma iau kis nanaho pane ma ra nurnuruan.
4Augu pai tiga mangana God nong i guama ta ira saksakena.
Pai haruat bia ira ut na sakena diet na kis tika ma ugu.
5 #
Nng 11.5
Ira ut na minok diet pa na tur ra matmataan taam.
U miliguruane diet ing diet gil nironga.
6 #
Nng 52.4,5 U haliare diet ing diet la harabota.
Ira ngangarina tunotuno ma ira ut na harababo, no Watong i manga malentakuane diet.
7Iesen tano num tamat na harmarsai,
iau ni laka uram narako tano num hala.
Ma iau ni singa bukunkek ma ra tamat na urur
tupas no num halhaliana hala na lotu.
8 #
Nng 27.11
Watong, lamus iau taar tano num taktakodas,
kanong iau liklik ira nugu ebar.
Hatakodasne no num ngaas menalua tagu.
9 #
Rm 3.13
Pai tale bia da nurnur ta ira nianga ing i suur ta ira ha diet.
Ira kaati diet i hung ma ra harhagawai.
Ira ha diet i mapus hoing no hurhuraan meram ta tiga midi di rarik tar ie.
Ma diet tange ra bis ma ira karame diet.
10 #
Nng 9.16
God, tange bia diet ronga!
Bale leh diet bia ira udiet harpingit na burena ta ira udiet punuko.
Tule isisai ta diet kanong ira udiet magingin sakena i haleng,
kanong warah, diet te tur talur ugu.
11 #
Nng 64.10
Iesen bale diet ing diet barahit narakoman taam bia diet na laro.
Waak diet na inge hatikai ma ra gungunuama.
Hakukuh diet ma no num harbalaurai,
waing diet ing diet sip no hinsaam, diet naga pirlat ugu.
12 #
Nng 32.7,10 Tutun saakit, Watong, u la haidane ira ut na takodas.
U beh luhutane diet ma no num harmarsai hoing tiga bahbahit.
Atualmente Selecionado:
Ninge 5: gfkNTP
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© (Active), Wycliffe Bible Translators, Inc. All rights reserved.