Versículos Bíblicos Populares relacionados a Otnga Mugaeai 2

Compartilhar

Ngan ipu toaine kadonga ga oaine iuotot: Eaba ga itnan itama ga itna ta ila ilup toman ngan iadaoa, ta eine mambe gisirua tinid iuot kelede.

Idio ta MARON Deo ikeo, “Eaba toa ne ei kekelen imamado, eine kemi mao. Gau ga nakado iarea eta ngan luanga ei.”

Idio ta MARON Deo ikapo tano aea kangkanga ga iuot mambe eababa. Ta iuso iaoa uru mata bibita aea ga idudunga eaba inudiai. Tota eaba toa oa imata bibita.

Eaba igera taine toa oa ta ikeo, “Ta! Patautene gau areag! Ei ituatua iuot ngan gau tuatuag. Be imedameda iuot ngan gau medamedag. Gau ga naoato ei ‘taine,’ ngansa Deo ikado ei ga iuot ngan gau tuatuag.”

Tota Deo ikado posanga kemi ngan pamatuanga ado lima ga rua aea ta idol ele ul ngan ado toa oa. Ikado toa bedaoa ngansa ipasala ele naurata toa ngada oa ga kus, ta iarai ngan ado toaiua.

Be eaba toa oa ga iadaoa tibangabanga, be maeamaea gid mao.