Versículos Bíblicos Populares relacionados a Genesis 3

Compartilhar

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Haen amuppa, mat nug dabmak lokkumakppa kobol kobol hekkunu doya auta awawa, nug amu hekkunu doɗ dakkuɗ laa oh Yawe Kayak hattom ele, nug amu oh eɗattak dayom. Dayaya amu, nug ah amegppa aum. “Kayak Nug genabte aa ad imu oh meulkad ii lamayanu amelahppa aum?” awa oɗ mettom.

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

Adam nug anam awa a amu, Yawe Kayak Nug aum. “Aun na lamen iitta daattem a doome? Da ad meu laa na ii lamananunab ami amu, na aon lamete?” awa oɗ mettom.

Yawe Kayak Nug danab ah ele lamatowa, nug dad Iden wanppa dayom laih kaɗag uɗitteppanu, appa engel okkai-kerubim, amu aab aɗu, qep iɗu bia ele maattom. Ag dad amunu ib, danab ooppa eɗua bau dayaknu ad meu lakkunu ii nomanu gumappig.

Adam wau nug danab ah oh anilag amunu, Adam nug onig Ewa ataɗom.