Versículos Bíblicos Populares relacionados a Yoˇhanˬ li‸ 1

Compartilhar

Ya‸ hkʼaˇ, yawˇ hta‸ hkʼa ha‸ yuˬ leh yawˇ ve awˬ meh hta‸ hkʼa yonˍ ve chaw hkʼa peu-eˬ hta‸ Gʼuiˬsha ve awˬ yaˇ hpeh‸ la tuˬ yawˇ a hkaw-anˬ piˇ ve yoˬ.

Awˬ hkuiˉ puiˍ htaˇ ka‸ Tawˇ hkawˇ cawˬ taˍ ve yoˬ. Tawˇ hkawˇ oˇ ve G’uiˬsha geh chehˇ leh Tawˇ hkawˇ oˇ ve lehˬ, G’uiˬsha hpeh‸ ve yoˬ.

Awˬ gʼeuˆ oˇ ve lehˬ, naˆ ho‸ ve awˬ hk’aw lo ba la leh, naˆ ho‸ ve lehˬ Awˬ g’euˆ hta‸ maˇ g’aˇ.

Tawˇ hkawˇ oˇ ve lehˬ, awˬ suhˍ awˬ shaˍ pfuhˇ leh ngaˬ hui geh chehˇ la ve yoˬ. Yawˇ ve awˬ me‸ awˬ hponˇ hta‸ ngaˬ hui gʼa mawˬ ve yoˬ. Awˬ me‸ awˬ hponˇ oˇ ve lehˬ, Awˬ pa lo laˬ ve Yaˇ hpu tiˍ ve awˬ me‸ awˬ hponˇ hkʼa shuˍ shuˍ hpeh‸ ve yoˬ. Yawˇ awˬ hkʼaw lo awˬ bon awˬ shinˉ leh hteˇ ve cawˇ ve awˬ ceuˬ hkʼa biˇ cawˬ ve yoˬ.

Hkʼa peu-eˬ ve hta‸ yawˇ te taˍ ve yoˬ. Hkʼa cawˬ taˍ ve hkʼa peu-eˬ awˬ hkʼaw lo yawˇ maˇ te ve teˇ ceuˬ ka‸ maˇ cawˬ. Yawˇ awˬ hkʼaw lo co ha te‸ ve awˬ ceuˬ cawˬ ve yoˬ. Co ha te‸ ve oˇ ve lehˬ, chaw yaˇ ve Awˬ gʼeuˆ

Awˬ hkʼaw‸ nawˉ teˇ nyi, Yoˇhanˬ lehˬ Yeˍsuˆ yawˇ geh lo laˬ chehˇ ve hta‸ gʼa mawˬ ve teˇ yanˇ yawˇ kʼoˆ ve, Miˬguiˬ yaˇ ve venˇbaˆ hta‸ yuˬ baˬ shehˍ hpaˇ, Gʼuiˬsha ve Yawˬ ehˉ hta‸ nyi-o.

Yawˇ lehˬ miˬguiˬ hta‸ te hpanˍ taˍ leh, miˬguiˬ hkʼoˆ lo chehˇ taˍ htawˇ, miˬguiˬ yaˇ yawˇ hta‸ maˇ shiˍ. Yawˇ ve chehˇ kuiˬ lo yawˇ laˬ htawˇ, yawˇ ve chaw yawˇ hta‸ maˇ ha‸ yuˬ.

Awˬ gʼeuˆ awˬ tehˬ ma lehˬ miˬguiˬ hkʼoˆ lo laˬ leh chaw hkʼa peu-eˬ hta‸ awˬ gʼeuˆ ba piˇ ve yoˬ.

Awˬ lawn kʼo, awˬliˇtawˇhkawˇ lehˬ, Moˉseˍ ve la‸ hkʼaw lo pe‸ laˇ taˍ ve yoˬ. Awˬ bon awˬ shinˉ leh hteˇ ve cawˇ ve teˇ ceuˬ lehˬ, Yeˍsuˆ Hkri‸ awˬ hkʼaw lo hpeh‸ la ve yoˬ.