Versículos Bíblicos Populares relacionados a Mga Salmo 119

Compartilhar

Ang imong pulong sama sa suga nga naghatag ug kahayag sa akong agianan.

Tipigan ko ang imong mga pulong sulod sa akong kasing-kasing aron dili ako makasala kanimo.

Unsay buhaton sa usa ka batan-on aron mahimong putli ang iyang kinabuhi? Ang iyang himuon mao ang pagsunod sa imong pulong.

Bulahan ang mga tawo nga nagsunod sa mga katudloanan sa Dios, ug nagtuman kaniya sa tibuok nilang kasing-kasing.

Ikaw ang akong tago-anan ug salipdanan; nagsalig ako sa imong pulong.

Pasabta ako sa imong kasugoan, ug tumanon ko kini ug tipigan sa tibuok kong kasing-kasing.

Hatagi akog dakong tinguha sa pagtuman sa imong mga pagtulon-an kaysa pagtinguha nga maadunahan.

Maayo nga gidisiplina mo ako, aron makakat-on ako sa imong mga tulomanon.

Ang naglipay kanako sa akong mga pag-antos mao kini: ang imong saad naglugway sa akong kinabuhi.

Giyahi ako sa pagsunod sa imong mga sugo, kay niini aduna akoy kalipay.

Tudloi ako, GINOO, sa imong mga tulomanon, ug tumanon ko kini hangtod sa kataposan.

Daw sa makuyapan na ako tungod sa kasubo, busa lig-ona ako sumala sa imong saad.

Gihigugma ko gayod ang imong kasugoan! Gipamalandongan ko gayod kini kanunay.