Versículos Bíblicos Populares relacionados a Zenezi 21

Compartilhar

Tawamhã Uburé Danhib'apito te te iropisutuzéb zarina, ma tô iwẽ hã tãma pisutu, Saraha ma.

Tawamhã 'Re ihâimana u'âsi mono, 'watébrémi wawa hã ma tô wapa. Tahawa 'Re ihâimana u'âsi mono ma, Hâiwa ãma Romhuri'wa, hâiwa hawi we te te 'mahârâ wamhã, te ãne Agaha ma tinha: — Aga, e marĩ da, te aihâtâ'â na hã aihâiba. Aipahi tõ. 'Re ihâimana u'âsi mono hã ma tô 'watébrémi wawa hã wapa isãrĩzém hawi. Mo oto wahutu, 'watébrémi hã. Pa'âri, isib'rata na. E marĩ wa. Isihudu norĩ, misi a'uwẽ ãma isitom na ahâ na siré 're ihâimana za'ra mono da hã, wa za tãma 'manha.

Tahawa ma oto tiwasã, Abra'ã si'ihi nherẽ. Ma i'ra hã tãma tisõ. Tawamhã 'Re ihâimana u'âsi mono, bâdâ te te tãma ipisutuzéb zarina, ma tô i'ra si'aibâ hã tãma waptãrã.

Tahawa te Sara tinha ãne: — 'Re ihâimana u'âsi mono, rowẽ te, ĩsihâze ma tô ĩma tisõ. Tahawa, da te wapari za'ra mono wamhã, te za ĩme aihâ za'ra ni, da te dasima rowẽ za'ra wa.

Tane nherẽ, 'Re ihâimana u'âsi mono te ãne tãma tinha: — Abra'ã, 'watébrémi na hã, duré aima romhuri'wa na hã aihâtâ'â õ di za. Sara aimro mreme hã te za uburé i'manha. E marĩ wa. Izaquihi hawim na asihudu hã za 're hâimana za'ra mono dâ'âsina.

Romhuri'wa zé're hawib zama tô ai'ra. Tahawa isihudu norĩ da, a'uwẽ misi ãma isitom na siré 're hâimana za'ra mono da hã, wa za duré tô wa hã 'manha.