Versículos Bíblicos Populares relacionados a Génesis 25

Compartilhar

Jilone'n tzaj tzun Kataj tetz. Itzun taltz: “Quil cẍbisun, na yi cob ni'a'tz yi eka'n pwokil awa'n, i'tz cob chin wutzile'n nación yi na choyintzin te yi ntaxk chu'l itz'ok. At jun yi mas cham sbne' swutz yi junt, nin yi bajx tz'ocopon tzak' yi ca'wl yi ca'p.”

Yi tule'n tzaj nintzun ben jakol tetz Jacow. Itzun taltz: —Banaj pawor swetz yaj, tzawak' mu'ẍ tal wetz te yi ara t'imbil cyake'j, yi ja wi't bnix awa'n, na na chin tzajk nin tan jun chin we'j. (Cha'stzun te toque'n junt bi' Esaú tetz Edom.)

Qui'c nintzun tal Rebeca na jaltz, cha'stzun te toque'n Isaac tan cu'swutzil tetz Kataj tan jale'n talbil Rebeca. Yi tbital Kataj yi oración Isaac ninin tzun tekaj Rebeca pwokil cob ni'.

—Qui'c bin na ban, yi ko ya'tz awajbil. Na yi wetz ink'ej qui'c xac swetz, ntin ak'tzaj inwa', na na chin quim tan we'j, stzun Esaú. —Ma jalu', alaj bin yi mero bintzij swetz: ¿Jun cunin pe' ayol? ¿Nk'e'tz pe' tzantzaj tlen tzatx'ixpuj awajtza'kl? stzun Jacow bantz. —Jun cunin yol na walnin tzatz, nin sak swutz Ryos, stzun Esaú bantz. Tan yi xtxolbile'j icy' c'ayil Esaú yi tetz k'ej tetz bajx cy'ajol.

Ule'n nin ban itz'ok yi ca'p. Tz'amij yi ẍchu's tkan yi stzicy ta'n, yi tule'n itz'ok. Cha'stzun te toque'n yi bi'-tz cya'n, tetz Jacow. At tzaj tzun Isaac tul oxc'al yob yi tule'n yos tu Rebeca scyuch' yi cob ni'-tz.

Mast cunin tzun na pek' Isaac te Esaú, na chin tajbil nin i' bajse'n yi e'chk t'imbil yi na bnix tan Esaú te e'chk smaron txuc yi na chilo'on ta'n xo'l tze'. Ma tzun tetz Rebeca mast cunin na pek' tetz te Jacow.